一鳴拉麵

營業中

休息中

最近屋企有啲事，我要經常頻撲娘家，身心俱疲，好彩大埔越來越多美食，隨便食啲好嘢令自己開心下，冇目標嘅情況下逛到一鳴，下雨天終於唔使排隊等位。喜歡呢度氣氛幾有日本地道嘅特色，有咁岩得咁橋我食飯果晚仲有日本人喺度飲酒，聽住佢哋講日文，好有親切感好想返鄉下。我覺得呢度拉麵係主角，所以坐低二話不說先揀拉麵，我未試過食辣嘅焰。鳴; 一於挑戰下少辣啦！一上台見到鮮紅色嘅拉麵湯底，真心叫咗一下。試一啖湯頭，正呀辣得來仍然有鮮嘅味道，刺激好味。拉麵嘅配料都好豐富，尤其是櫻花蝦、留心蛋、叉燒，全部都 above average 。我全部一掃清。仲叫咗杯一千零一夜飲下，好有feel。淨係食拉麵真係唔夠，叫一串豬頸肉嘆呀！如老公就話食拉麵一定要配煎餃子，果然係天作之合。最後試埋個人氣超巨大 名物超 jumbo 芝士玉子拌 ，直徑有成 8 cm咁大，見到都好開心。老公最鍾意食玉子，我就最鍾意食芝士，我哋兩個都食到 Lum Lum 脷。返大埔又多一個開飯嘅地方。