影片
更多
2020-05-26
939 瀏覽
呢排我兩個都唔好彩，佢就減人工，我就失業，食餐好嘅，賀一賀佢先啦！要食就食最好味嘅omakase， 搵咗上環呢間鮨燐，就要1280呢個set！睇住師傅為我哋準備食物，夠晒賞心悅目，心情好番晒。兩款前菜，用美國酒浸過嘅白梅貝，肉質鮮甜彈滑。木魚茄子凍，涼涼地嘅口感，上面再配以京蔥。壽司嚟啦，右口魚、牡丹蝦蝦膏壽司、深海池魚配木魚花醬，最醒神係帆立貝配紫菜，好多人唔知帆立貝係咩味，因為市面平嘅帆立貝得雪藏味，呢粒真係食到帆立貝嘅清甜帶甘，同紫菜海水味獨立岀黎，食到好分明嘅層次！章紅魚、燒金目鯛、柚子皮赤貝，三文魚籽，睇住師傅輕輕燒香金目鯛表面，已經聞到香味，食落更令油脂鎖喺魚肉入面。將柚子皮放喺赤貝上面，食到柚子皮嘅香，唔會有柚子味嘅澀。食完一輪清淡口味嘅魚，開始濃厚口味嘅魚，北海道馬糞海膽，赤身醬油漬，中吞拿魚腩。大拖羅、燒左口魚入口即溶，油脂爆發，有燒香味。蝦頭面豉湯，帶有淡淡蝦鮮味，自家抹茶奶凍，匙羹要放落啲、食深啲，試到濃厚抹茶味。心情好好多了！
要食就食最好味嘅omakase， 搵咗上環呢間鮨燐，就要1280呢個set！
睇住師傅為我哋準備食物，夠晒賞心悅目，心情好番晒。
兩款前菜，用美國酒浸過嘅白梅貝，肉質鮮甜彈滑。木魚茄子凍，涼涼地嘅口感，上面再配以京蔥。
壽司嚟啦，右口魚、牡丹蝦蝦膏壽司、深海池魚配木魚花醬，最醒神係帆立貝配紫菜，好多人唔知帆立貝係咩味，因為市面平嘅帆立貝得雪藏味，呢粒真係食到帆立貝嘅清甜帶甘，同紫菜海水味獨立岀黎，食到好分明嘅層次！
章紅魚、燒金目鯛、柚子皮赤貝，三文魚籽，睇住師傅輕輕燒香金目鯛表面，已經聞到香味，食落更令油脂鎖喺魚肉入面。將柚子皮放喺赤貝上面，食到柚子皮嘅香，唔會有柚子味嘅澀。
食完一輪清淡口味嘅魚，開始濃厚口味嘅魚，北海道馬糞海膽，赤身醬油漬，中吞拿魚腩。
大拖羅、燒左口魚入口即溶，油脂爆發，有燒香味。蝦頭面豉湯，帶有淡淡蝦鮮味，自家抹茶奶凍，匙羹要放落啲、食深啲，試到濃厚抹茶味。
心情好好多了！
張貼
