第三站

同朋友行旺角行到腳仔軟 肚又餓 就黎左喺附近我至愛嘅cafe啦 貪佢平靚正丫嘛我一如既往叫左黑松露意大利飯 鬼叫我係黑松露控咩 一食落口啲煤氣味就充滿晒口同鼻 omg 天堂丫 哈哈 我又係誇啲嘅 不過真係好正 然後朋友叫左西班牙煙鴨胸燴飯 偷咗兩啖嚟食 覺得好香 佢用咗紅汁 同鴨胸嘅味好夾 而且飯亦燴得充滿住汁 好有口感 另外繼續要讚嘅係我杯特飲 我同時亦係一個粉色控同玫瑰控 所以叫左杯女皇 係玫瑰檸檬乳酪沙冰黎 檸檬同魚樂嘅味道唔太重 冇乜酸味 但係有我最愛嘅玫瑰味 完全係好似張成盆玫瑰花打咗入去咁 鍾意玫瑰花味嘅朋友絕對唔可以錯過 而且佢唔係好甜 正呀 上面打左whipped cream 再灑上玫瑰粉 成件事浪漫晒 最後好正正子嘅係個蜜糖雞翼 本身覺得係好普通嘅一個菜式冇乜太大期望 點知一食就覺得勁似bbq燒嘅蜜糖雞翼 而且蜜糖都落得一啲都唔孤寒 所以好好味