滾得囍宮廷火鍋小炒 (已改名) 查看

#滾得囍宮廷火鍋小炒 (北角)我又食滾得囍，係又食呀！😂今次再拉朋友去食，個個食完都會鐘意左佢個滋補養生花膠雞鍋。一鍋黃色靚雞湯，跟配一碟花膠同半隻雞。肥厚花膠係面， 半隻雞係底。放哂入去滾起，雞就食得啦。花膠滾多一陣，腍啲會好食啲。湯🤤就係等緊花膠腍既時候飲多幾碗啦。花膠膠質重仲有啲彈牙。🙋🏼‍♀️女仔飲多啲補充下骨膠源呀～補呀～。由於佢每樣野份量都好大，4個人可以食多好多嘢，配料方面叫咗：#滾得囍宮廷手打丸拼盤 $128 丸比起坊間嘅大粒，一碟有哂幾款丸唔會悶。我哋最鍾意嘅係芝士牛丸同黑松露野菌鮮蝦丸。墨魚丸都OK。#滾得囍餃子拼盤 $128飽滿，皮薄餡料多。黑松露野菌餃同和牛芝士一口餃比人搶住食。但係唔好淥得太耐，唔係個皮會穿，就會皮餡分離啦！#黃金雙拼 (響鈴🔔 加魚皮）$88即叫即炸，🥳上次同朋友食完之後覺得好好食。大家都鐘意唔浸湯食因為超級鬆化加鹹蛋香。🤩如果浸湯食鹹蛋味就會走咗。魚皮同樣香脆出色。肉類方面我最鍾意係 #鹿兒島日本黑豚肉 $98唔好睇佢咁肥，淥完之後，食落一啲都唔肥膩，好香豬味，口感軟滑。