南瀛水產

不能只有我食大左個胃！是晚去左尖咀南瀛水產食好西，真係超級正，尤其咁耐冇得去日本…呢間日本餐廳想去好耐，個個朋友去親都話正～行日式居酒屋路線，有好多酒類飲品+佐酒美食～同閨蜜食豪啲，先來一人一杯巨蜂啤酒同白桃燒酎，好易入口，再來佐酒必備味醂魚乾 + 花魚一夜干，鹹鹹香香好脆口，居酒屋梗唔少得清酒煮蜆同吉列炸蠔，味道雖唔算突出，但也不錯的。重頭戲係活貝盛合，有齊鮑魚、蠔、大蜆同元貝，由店員即叫即燒，入口時熱辣辣，勁鮮甜好味啊，最後，食埋個壽司盛同野菜蕎麥麵，真係大大大滿足！