樓下火鍋飯店

營業中

休息中

今日五個人去咗銅鑼灣打邊爐，呢一間火鍋店裝修幾特別周圍都用咗懷舊鋪頭做裝飾，懷舊鋪頭有旺記粉麵蛇仔明涼茶上海麗莎理髮公司。比我嘅感覺好似係60年代大排檔打邊爐一樣。火鍋食材新鮮湯底都有唔少選擇，淨係湯底都有20款。今日女士比較多所以揀咗一個黃金花膠雞湯，夠晒滋補養顏。黃金花膠雞湯真係足料，湯底有半隻雞七至八舊好大舊嘅花膠。職員等湯底滾起嘅時候會幫我地將隻雞斬件。火鍋食材都算抵食平均每一碟都係50至$60。叫咗一個大嘅本地手切肥牛、蟹子墨魚滑、五寶丸、黑牛柏葉、炸魚片頭、炸魚皮、魚皮餃、水魷、油麥菜