楚撚記大排檔 (日富里百好大廈) (已結業)

難得休息日，同老婆出去行下街四周圍行下睇下有咩食，見到有間食店好懷舊大排檔feel，小菜都有一段時間沒有食過喇。由於時間算早唔洗點排隊，咁入去試下先。入到去環境不錯，時尚得來帶點懷舊feel。【西楚霸王雞-半隻】一來到霸王雞勁香，表面有勁多炸蒜薑蔥，陣陣香氣飛出來，雞肉肉質鮮嫩，點了甜甜的豉油再加上薑蔥一起食，鮮甜味一流。【西檸煎軟雞】西檸軟雞是我喜歡的菜式之一，檸檬果香酸酸甜甜，非常醒胃，將雞髀肉半煎炸，炸得金黃又香脆，內裡肉質又夠肉汁，不錯。【飛天通菜煲】這個通菜都算多，翠綠的通菜，非常爽口，內裡加了蝦乾蒜頭等調味真是非一般惹味。【生炒腊味糯米飯】這個糯米飯已經唔多地方有得食，仲要係有得叫一碗來試下，一碗熱騰騰的糯米飯送上來，內裡材料十足，糯米炒得都算乾身，粒粒分明，口感煙韌。到最後食完個飯都有個糖水送，原來是蕃薯糖水，超正。