串Grill 自助燒烤專門店 (廣華街) (已結業)

🚩 串Grill 自助燒烤專門店懶人必去燒肉店🥹唔知有冇朋友好驚燒肉嘅時候會比油彈，我周圍嘅朋友都係咁🥲好多時食燒肉我嘅職位就係不斷幫手燒，依間餐廳真係我嘅恩物🥹一串串放上去就會自動轉，轉到差唔多就食得！〰️〰️〰️〰️〰️〰️〰️〰️〰️〰️〰️〰️〰️〰️〰️🌈120分鐘 任飲任食 $208依度嘅種類唔多，不過燒烤會食到嘅嘢大致上都有！牛方面都幾推薦牛肋腩，我諗應該係牛腩部份，出面好少有得食～食落牛味會比較重亦都有足夠嘅油香！仲有如果大家鍾意食豬大腸嘅話都一定要叫🥹羊肉細細一串，好有燒烤店嘅feel，記得一定要落埋佢提供俾你嘅孜然粉！食到最尾梗係要食埋雞蛋仔同埋棉花糖啦，細個燒棉花糖成日都好驚燒燶，呢度燒嘅棉花糖粒粒都超級靚，受熱夠晒平均粒粒都係金黃色🤤仲有仲有唔好唔記得要食埋個Häagen-Dazs先好走！調味方面，有一般嘅調味粉，海鹽/辣椒粉/孜然粉/味椒粉～仲有一支類似蜜糖咁嘅醬，俾你一路燒一路掃落去～溫馨提示～記得要快手啲燒，時間略厭有少少唔夠😣