自家燒吧 (已結業)

#自家燒吧 (觀塘)懶人因物🤣容易又懶惰既自己燒自已食。望住啲野慢轉由生變熟，🥰好治愈。地方唔大但環境好闊落，🙌🏻無壓迫感。出面雪櫃一面擺放已串好的串物，另一面擺放即食冷盤/甜品。再行過啲既旁邊會有熱盤，只可惜可能我係最夜場去既關係，攤凍晒😖。不過豬仔骨既味道依然係唔錯嘅。燒爐旁有3款醬料（有蜜糖成份嘅燒汁、檸檬番茄醬、泰式醬）可以一路燒一路塗醬汁。不過我覺得食物本身就醃得入味。除咗菇類我會塗燒汁，燒賣同雞翼塗泰式醬，😎其他都唔需要額外用醬燒。仲有三款孜然粉，但都係無咩用到。必食推介係：牛肋條、蜜汁叉燒、牛柳粒、豬腩肉、冬菇、秀珍菇、燒賣、粟米同菠蘿🍍。其中最印象深刻係：#牛肋條 ，🐮唔單只入味，醃料都好獨特，燒完之後香得來好juicy。#豬腩肉 🐷雖然肥，但好爽口。#燒賣 燒到外邊脆裡面煙韌，改變左平時食燒賣嘅口感好特別。#菇🍄 燒完菇味突出。#菠蘿🍍新鮮大舊，燒到外邊乾似果乾，裡面juicy爆汁，雖然帶酸但好解肉既油膩感。除左以上食品，另外仲有點菜紙，有飯麵小食飲品烤蠔etc。#燒生蠔 鋪滿蒜蓉，但蠔唔飽滿，好瘦削。呢個一般般。不過好可惜，為食最後一場時段嘅關係，好多食物都賣光了。