海龍皇宮酒家 (已結業)

同一班親戚一齊母親節食飯。叫左套餐，價錢冇留意。先講食物方面︰先是燒味拼盤，算是可以的。叉燒都幾好食，幾夠肥。而且乳豬亦都唔差。芝士焗伊面。一般出面食既都系芝士龍蝦伊面底，而呢到就只系用中蝦。份量好大碟，而且焗得幾夠。而且幾足料，全晚咁多個菜覺得最好呢個。當然如果系龍蝦更好^^冬菇鮑魚，完全唔得。d冬菇完全唔入味，根本就炆得唔夠，完全系就咁煮完淋個汁上去算。燒雞，算系幾好。而且雞亦都幾多黃油。最後冇壽包同荷葉飯。荷葉飯出奇地比想像中好。飯炒得幾乾身，唔會好似好多地方咁炒到濕泣泣。只不過色水唔太夠，味道亦都可以濃返少少。服務方面︰一般酒樓服務啦。叫汽水又一定囉留一兩罐。叫落單又叫極唔應咁。最差就見到有個後生仔男侍應系枱客格離企左系到覆短訊-.-最後比經理路過見到叫佢行返入去先覆。