影片
以上資料只供參考, 請與餐廳確認詳情
雖然呢間酒樓舊舊地，而且又多老人家去，不過其實真係幾抵食。去嗰啲商場新裝修大酒樓當然光鮮啲，不過價錢貴之餘，都唔包一定味道超好。反而呢啲做街坊生意嘅，平嘅同時味道又過得去。平日一有時間就會同屋企人去呢到食晏或下午茶，就算成日去都唔會負擔重。平日有較多嘅特價優惠點心同飯/粉，好抵食，味道唔會太差。普通嘅 金錢肚 、鳳爪、山竹牛肉 都幾正常，而且算入味。 排骨 - 就有時肥肉部分有啲多。潮州粉果 - 皮薄通透，好易一夾就穿，餡料好香。 鹹水角 - 同樣餡料香，好食。皮蛋瘦肉粥 - 好綿。鴨腳紮 - 就要等較耐時間，通常都係其他嘢食晒，最遲至黎。蝦腸 - 皮唔算太薄，不過亦未至於厚到好難食，每條有2大隻彈牙大蝦仁。炸BB乳鴿 - 十幾廿蚊就有一隻，一般般，有時炸到過咗少少，顏色好深。有時又炸得皮唔夠脆，不過次次都熱辣辣上枱的。牛栢葉 - 味道幾好，係切得大嚿咗少少，連墊底嘅蘿蔔粒都好味，嗰汁撈飯食一流。特價燒味飯 - 平得黎，份量都可以接受，唔錯。不過如果揀燒味米線的話，好明顯個米線無咁好味。最推介係 藥膳雞腳 - 味道好好，藥材味又夠，雞腳夠「林」夠入味，我食親都飲清啲湯汁。
繼續閱讀
月頭用突晒, 月尾真係難捱.......粗粗地, 整番個燒味飯盒.是日晚餐:- :叉雞飯 + 7up半肥瘦叉燒, 差不多有5~6件, 抵食!!雞就差d, 個皮好肥, 又冇乜用, 又少...d飯太多, 食唔晒.普通一個燒味飯都24蚊, 雙拚都26蚊.而加18蚊仲有埋7喜添~~~但係味道就退步左d..
繼續閱讀
一家人去食中秋飯,我地點佐個龍蝦餐. 先上佐碟乳豬半隻. 我地12人一人得一件!龍蝦'肉都好好味,但係個麵就唔可以接受!個翅好一般,不過ok啦...條魚好熟,蒸得太耐,好"鞋"餐寫鮑片,其實係螺片,不過d鵝掌就好腍同埋好入味!荷葉飯我就無食,不過d人話唔好食總之一句.意想不到唔好食!仲有d忌廉好似藥水咁,真係不可接受!仲好貴架!
繼續閱讀
明知中秋正日去酒樓食飯實貴,於是一家人就提早食啦. 訂位時以經問定酒樓有無平日食開既特價菜.佢話有味上去食啦. 點知一到酒樓睇見菜牌全部都係套餐.於是問個部長.佢話假期前一日無特假菜.無計啦!佢話無,我都無佢符.唔通走人咩! 不過套餐價錢唔係好貴! 我地點佐個龍蝦餐. 先上佐碟乳豬半隻. 我地12人一人得一件.而且有d人話好咸.有d話o.k.我好鬼好奇夠唔夠半隻.同埋係咪砌落去.龍蝦'肉有d梅.個翅好似食豆粉獻. 好難食條魚好"鞋"果餐寫鮑片,其實係螺片總之一句..好難食. 不過諗深一層.個餐有乳豬,龍蝦,海班,雞.魚翅,瑤柱甫.炒麵,荷葉飯.糖水. 仲包6罐汽水.6罐啤酒. 包加一. 只係$1,993. 你想人地比咩你食呀. (千其唔好飲忌廉.好似藥水咁)
繼續閱讀
14個人叫左套餐..好似1300幾..有半隻乳豬拼海"折"..ok啦..乳豬都係脆既..芝士蝦焗伊面..d蝦有d"梅"同埋唔係好夠芝士..冬菇鮑魚..同意下面位食家既講法..d冬菇唔入味仲好硬的..不過墊底既生菜幾好..龍"等"兩味..炒既係用腩位..好嫩,最好食..蒜蓉蒸係用頭..多骨左d..不過都ok既..炸子雞?..我都唔知係咪..不過幾好食,肉都算嫩..但係卡路里超曬標..好多油壽包,荷葉飯都無食..不過荷葉飯一打開就好香..仲有紅豆沙
繼續閱讀