海龍皇宮酒家 (已結業)

雖然呢間酒樓舊舊地，而且又多老人家去，不過其實真係幾抵食。去嗰啲商場新裝修大酒樓當然光鮮啲，不過價錢貴之餘，都唔包一定味道超好。反而呢啲做街坊生意嘅，平嘅同時味道又過得去。平日一有時間就會同屋企人去呢到食晏或下午茶，就算成日去都唔會負擔重。平日有較多嘅特價優惠點心同飯/粉，好抵食，味道唔會太差。普通嘅 金錢肚 、鳳爪、山竹牛肉 都幾正常，而且算入味。 排骨 - 就有時肥肉部分有啲多。潮州粉果 - 皮薄通透，好易一夾就穿，餡料好香。 鹹水角 - 同樣餡料香，好食。皮蛋瘦肉粥 - 好綿。鴨腳紮 - 就要等較耐時間，通常都係其他嘢食晒，最遲至黎。蝦腸 - 皮唔算太薄，不過亦未至於厚到好難食，每條有2大隻彈牙大蝦仁。炸BB乳鴿 - 十幾廿蚊就有一隻，一般般，有時炸到過咗少少，顏色好深。有時又炸得皮唔夠脆，不過次次都熱辣辣上枱的。牛栢葉 - 味道幾好，係切得大嚿咗少少，連墊底嘅蘿蔔粒都好味，嗰汁撈飯食一流。特價燒味飯 - 平得黎，份量都可以接受，唔錯。不過如果揀燒味米線的話，好明顯個米線無咁好味。最推介係 藥膳雞腳 - 味道好好，藥材味又夠，雞腳夠「林」夠入味，我食親都飲清啲湯汁。 

啊媽貪方便所以話黎呢間試下晚飯，平時日頭飲茶就會成日幫襯，晚飯卻是第一次。十月一號晚嘅七點，時間尚早無咩人，不過坐落之後都多返半個場嘅客，一半都係打邊爐任食，比起日頭坐滿人飲茶，晚市真係客緣較少，可能係國慶節啲人出晒街或者食好啲所以無咩人黎掛。此行我們一家三人。片皮鴨 $ 38，2-4人只可以叫半隻，（我最愛，所以就算明白平嘢無好嘅定義，還是要試），啲粉皮用蒸籠裝住上枱，仲熱熱地，不過啲皮都幾厚，仲可以睇到整嘅時候，啲粉漿唔均勻，一達達。有碟甜醬，包嘅配料得一小碟黃瓜條，沒有那些什麼大蔥其他的。片皮鴨上枱，有6-8塊，燒到偏乾，有少少焦黑較深色，不過片得幾薄，唔會「痴」埋啲肥膏，亦唔係片至連肉嗰隻，真係齋薄皮，包黎食都仲係食到幾多油下，有少少鴨騷味。好似加 $ 20有得兩食，揀咗用茄子炆鴨，呢味過得去，可能我鐘意食茄子嘅關係，茄子好「林」，入晒啲醬料嘅味，鴨味就無咩，不過佢用嘅鴨架斬件都幾多肉下，（開頭心諗會唔會得啲骨），如果唔講夠的話，食開連鎖快餐店飯盒嘅朋友，咁嘅價錢都真係食得過，可以一試。半打蒸扇貝，有普通嗰啲蒸魚豉油，當然味道唔會差得去邊啦，啲汁撈飯都得，雖然食唔出雪味，不過

月頭用突晒, 月尾真係難捱.......粗粗地, 整番個燒味飯盒.是日晚餐:- :叉雞飯 + 7up半肥瘦叉燒, 差不多有5~6件, 抵食!!雞就差d, 個皮好肥, 又冇乜用, 又少...d飯太多, 食唔晒.普通一個燒味飯都24蚊, 雙拚都26蚊.而加18蚊仲有埋7喜添~~~但係味道就退步左d..

都好耐好耐冇幫襯海龍喇...自從一家人都愛上了富臨之後....好想食燒味飯呀~~~是日晚餐:- 叉雞飯>> 抵到爛, 仲送罐凍可樂添一向都幾欣賞海德既燒味, 叉肉多汁肉厚, 白切雞好滑.白飯沾了甜豉油, 又唔會太咸.份量不多, 男人應該唔夠.重點係18蚊仲送可樂嘛!

一家人去食中秋飯,我地點佐個龍蝦餐. 先上佐碟乳豬半隻. 我地12人一人得一件!龍蝦'肉都好好味,但係個麵就唔可以接受!個翅好一般,不過ok啦...條魚好熟,蒸得太耐,好"鞋"餐寫鮑片,其實係螺片,不過d鵝掌就好腍同埋好入味!荷葉飯我就無食,不過d人話唔好食總之一句.意想不到唔好食!仲有d忌廉好似藥水咁,真係不可接受!仲好貴架!

明知中秋正日去酒樓食飯實貴,於是一家人就提早食啦. 訂位時以經問定酒樓有無平日食開既特價菜.佢話有味上去食啦. 點知一到酒樓睇見菜牌全部都係套餐.於是問個部長.佢話假期前一日無特假菜.無計啦!佢話無,我都無佢符.唔通走人咩! 不過套餐價錢唔係好貴! 我地點佐個龍蝦餐. 先上佐碟乳豬半隻. 我地12人一人得一件.而且有d人話好咸.有d話o.k.我好鬼好奇夠唔夠半隻.同埋係咪砌落去.龍蝦'肉有d梅.個翅好似食豆粉獻. 好難食條魚好"鞋"果餐寫鮑片,其實係螺片總之一句..好難食. 不過諗深一層.個餐有乳豬,龍蝦,海班,雞.魚翅,瑤柱甫.炒麵,荷葉飯.糖水. 仲包6罐汽水.6罐啤酒. 包加一. 只係$1,993. 你想人地比咩你食呀. (千其唔好飲忌廉.好似藥水咁)

14個人叫左套餐..好似1300幾..有半隻乳豬拼海"折"..ok啦..乳豬都係脆既..芝士蝦焗伊面..d蝦有d"梅"同埋唔係好夠芝士..冬菇鮑魚..同意下面位食家既講法..d冬菇唔入味仲好硬的..不過墊底既生菜幾好..龍"等"兩味..炒既係用腩位..好嫩,最好食..蒜蓉蒸係用頭..多骨左d..不過都ok既..炸子雞?..我都唔知係咪..不過幾好食,肉都算嫩..但係卡路里超曬標..好多油壽包,荷葉飯都無食..不過荷葉飯一打開就好香..仲有紅豆沙

星期六飲早茶, 叫返平常食慣既幾道點心 ----- 粉果: 脹卜卜好飽滿, 點知咬落d餡係酸餿的, 立即叫店員取消此單 蝦燒賣: 其中一粒帶少少苦澀, 又是要吐出來 蒸牛肚: 好硬, 蒸得未夠稔 义燒腸: 义燒好碎, 份量又小早知俾多幾十蚊去新光或富臨食

鍾意食雞扎都係為左舊棉花, 但係唔太好芋頭,火腿及腐皮一直都無留意到原來海龍仲有北菇棉花雞, 俾鍾意食棉花的人多一種選擇 北菇棉花雞 (大點 $10.8)--雞, 北菇及棉花都醃得夠味 --棉花 (魚肚) 還帶少少酸, 可能落左醋來辟味, 不過都可以接受--雞係兩件連骨的雞脾肉, 幾滑--蟹柳就失色, 蒸得過稔爛溶溶近來出街食金錢肚都蒸得過稔, 今天終於係海龍找到蒸得剛剛好的金錢肚 (大點), 惹味兼爽口彈牙

平價茶樓中最鍾意海龍皇, 食物質素ok, 且比嘉x華乾淨一星期都會同朋友仔飲一次早茶, 好多時都不用等位, 每次兩個人都有細枱, 不用搭枱.我們常叫的有: 鳳爪排骨飯 ($4.8) 义燒腸 ($8.8) 粉果 ($8.8) 鳳爪 ($8.8) 牛肉 ($5.8) 燒賣 ($7.8)粉果最出色, 大大隻, 皮唔會過厚, 餡料豐富, 覺得比好多小食店及連鎖麵包舖的粉果好食另茶錢每位六元, 再加一

海龍皇酒家本人於2008 年 6 月 26 日在貴酒家與家人用晚膳時遭受到員工韓x玉職員不友善的對待.原因一我們一共有六人,但韓x玉只是給了我們一張四人枱. 當我們向她說枱子不夠大的時候,她只是板著瞼兒離去,沒有理會我們. 而我們亦可以看見貴酒家還有空餘的枱.原因二職員韓x玉替我們盛湯我時候發悔氣,盛每一碗湯都滿瀉在桌上.原因三職員韓x玉替我們換碟的時候,態度極為惡劣,砰砰聲我放在桌上, 放碗的時候也是.一直以來,海龍酒家都給我和各黃大仙的街坊有良好的印象,可是今次是件令我對貴酒家有很大的改觀.希望貴酒家能為今次事件作出正面和合適的解釋.二零零八年六月二十七日

同一班親戚一齊母親節食飯。叫左套餐，價錢冇留意。先講食物方面︰先是燒味拼盤，算是可以的。叉燒都幾好食，幾夠肥。而且乳豬亦都唔差。芝士焗伊面。一般出面食既都系芝士龍蝦伊面底，而呢到就只系用中蝦。份量好大碟，而且焗得幾夠。而且幾足料，全晚咁多個菜覺得最好呢個。當然如果系龍蝦更好^^冬菇鮑魚，完全唔得。d冬菇完全唔入味，根本就炆得唔夠，完全系就咁煮完淋個汁上去算。燒雞，算系幾好。而且雞亦都幾多黃油。最後冇壽包同荷葉飯。荷葉飯出奇地比想像中好。飯炒得幾乾身，唔會好似好多地方咁炒到濕泣泣。只不過色水唔太夠，味道亦都可以濃返少少。服務方面︰一般酒樓服務啦。叫汽水又一定囉留一兩罐。叫落單又叫極唔應咁。最差就見到有個後生仔男侍應系枱客格離企左系到覆短訊-.-最後比經理路過見到叫佢行返入去先覆。

四月十七日(四)因為要去荷里活廣場睇冷氣，所以揀左去海龍飲茶跟往行過去。海龍裝修過後曾經行過高檔路線，但以佢地理位置黎講輸晒，所以最終都係轉返走平價路線，但其實已經貴過以前唔小。佢加價方式係將小點既變中點，中點既變大點...豬水、金錢肚尼D平來中變大，牛肉、馬拉糕又小變中咁，唔叫特價野其實一D都唔平~下午茶時段要數最抵既一定係燒鴨瀨，只係$6.8一碗(午市都只係$8.8)，雖然名為瀨粉好奇怪係俾米線，但燒鴨既質素唔差，真係好抵食。另外仲叫左特價既生菜同叉燒包都OK。唯一一碟唔係特價既大點叫左雞札，正如我上面所講，好多點都由小變中，由中變大，所以揀左一向都係大點既雞札。但尼度雞札唔多掂，唔係正宗配料，無魚肚，得芋頭、粟米仔、火腿同雞。腐竹皮亦較深色唔係靚貨。因為太耐無黎已經唔記得，之前應該都中過招。個人認為最好雞札配料係，雞、魚肚、豬肚，火腿/廋肉。雖然佢無同佢其他酒樓咁好食，但以佢價錢絕對有生存空間。

其實我屋企人成日都會黎呢度飲早茶..早茶既野食係平既....但係假日既早茶優惠要09:30前埋單計咁前幾日我屋企人如常到海龍飲早茶咁我屋企人係08:30前已經畫好哂所有想食既野...而且一早已經比左部長落order而我到左之後08:40再用另一張點心紙落order其中包括:生滾滑雞粥,叉燒腸粉,咸薄"撐",....等等但到了09:15時...只出現了我落的order...而沒有我屋企人的order...更好笑的是...當我向某個職員講另一張點心紙的點心一樣也沒有到過後...那職員幫我們check...原來埋單既counter位沒有我們那張點心紙...那職員更推說不關她的事.....而且原來我們隔離枱落了order的點心紙也一樣不見了一張算了吧....經理過來調停後....盡快給我們落回order以及在09:30前給我們結了脹..好譲我們可以有優惠但是...我要的生滾滑雞粥竟然變了...皮蛋滑雞粥...因為我腳痛..不能吃皮蛋...所以一定要他們換給我再來叉燒腸....我不為意吃了下肚...但越食越覺得味道很奇怪....點解叉燒D味咁奇怪???一睇.....點解係牛肉腸??我又係唔食得牛

比朋友個男朋友呃左過黎黃大仙!又話有得任食!結果成個黃大仙都冇囉!!結果黎左呢度食!野食OK既，但真係好細碟囉!!8:30後碟碟12蚊，8:30前8蚊碟都要12蚊，哈哈!我就緊係唔會蝕啦，唔叫8蚊個D..呵呵!!12蚊碟..蝦得6-7隻..蠔抵D.有6隻..牛柏業得個幾舊!個爆醬貢丸一定唔可以食呀!超難食呀!入面個D都唔知咩黎架!肥牛OK，其他丸都OK!!呢度好就係D 蒜容，辣椒，C油任拎.哈哈哈!呀.係呀.呢度D服務態度真係完全唔得呀!