Trois Cafe (已結業)

今日同朋友食慶生飯，見網上面話呢間餐廳好高質就決定一戰！一嚟到餐廳見到個裝修真係少女心爆棚，有好多打卡位俾我哋影個夠，開心！😍 咁影完相就坐低叫嘢食～朋友話想呢度嘅龍蝦拿破崙好出名，於是我哋都嗌左黎share，冇諗過食落真係好食到哇左聲 。啲龍蝦都幾鮮甜🦞，搭配又夠新穎，有啲出乎意料。如是者我哋又嗌左大啡菇黑松露白酒扁意粉同龍蝦大蝦扁意粉 🍝，兩個意粉都好掛汁～份量都好足夠😙。嘢飲我哋就分別嗌左夏日鹽鹽紅豆冰summer punch🍹，係cafe飲紅豆冰感覺好fusion，d紅豆有d起沙好正，個summer punch，都好清新消暑 🤩 。最後甜品我哋嗌左氧氣啫喱同檸檬潛水艇，個啫喱彈下彈下好趣緻，食落有少少汽水嘅感覺十分爽口🍮個檸檬撻餅底好鬆化又有牛油香，口味都好啱夏天食 ！總括嚟講，我覺得我哋今次冇揀錯餐廳，性價比真心高😻，又抵又好味，仲有好多菜式未試 下次再幫襯！🙏🏻