我愛慢煮 (普慶坊) (已結業)

今次同朋友黎到港島區搵食，就試下呢間「我愛慢煮」！餐廳係半自助形式，自己出去買野食，職員就會送上。黎到呢到當然要試下安格斯頂級西冷牛扒(小:$138/ 中:$258/ 大:$398)，牛扒以慢煮方法烹調，能夠鎖住肉汁，好重牛味，脂肪比例平均，唔會好un。另外仲叫左香草丹麥烤雞半隻($128)，雞既外層有少許蜜糖，用火槍燒過，好香口！成隻雞食落好滑，就算係雞胸都唔會鞋口。芝士忌廉菠菜苗($32)，即叫即製，芝士味好重，做到拉絲效果，配上忌廉，完美配搭！慢煮既烹調方法果然唔會令人失望，成餐飯都好滿意，下次可以再來。