Burgeroom (已搬遷) 新店位置

今天幾個女仔去大球場睇碧咸,路過加路連山道,發現了這間小店,初初還以為是一間咖啡店,因為又有梳化,店外又貼了i||y的coffee sign,見裝修都幾靚,我哋就走了入去八卦吓!唔睇menu真係唔知,原來漢堡先至係主打!都唔平,又唔知好唔好食,所以我哋三個女仔只買了一個磨菇牛肉漢堡share試吓先,要58蚊,再叫了三杯咖啡,咖啡就唔多講,因為始終是i||y,有一定的水準。磨菇和其他新鮮磨菇一樣,無話特別出色與否,但它的牛肉就真的很好吃,好juicy,有牛肉味和口感,個包夠熱又香。之前也去過阿蘇介紹過的那間shake em bun,但它的牛肉總是覺得是淋pat pat,像是山竹牛肉或用了很多鬆肉粉咁,只是個人意見!最後我哋都試多了一個包,看看是不是也做得好食!多食了一個什麼Chi|| Ling Burger,實質都唔知Ling即是什麼,不過menu就寫話係青衣魚,食完就真係唔駛講甘多,一個掂字!呢間小小店,環境好,食物好,一定會hit,襯未有咁多人知住,我都會去多幾次先,費事第曰要等位!仲有仲有,個經理都幾靚仔,哈哈!