我愛慢煮 (普慶坊) (已結業)

裝修好獨特，外牆有條龍，牌匾係木製，裏面枱和椅子有吧枱，有中有西。餐牌中英對照，英文打橫睇，中文打直睇，好得意。芝士溫泉蛋大啡菇一切開後，蛋黃汁流曬出黎，隻菇好香又多汁。法式油封鴨髀真係好驚喜，有兩隻鴨髀，肉質呈粉紅色，肉質很滑，味道鹹香。香草丹麥烤雞半隻雖然係半隻，但係都幾大隻，雞的皮好薄，雞髀位可說是皮薄餡靚，雞肉係有少少甜甜地和一啲好微的辣味，味道特別，雞肉非常滑，雞胸位都入到口。水果茶水果茶裏面有一片檸檬和很多藍莓，味道有蜜桃香味，飲後好潤。冇收加一服務都不錯，食物又唔貴，抵食。