黑鼻子正宗桂林米粉 (已結業)

近日辣癮經常發作 , 見有食家話呢度既自家制辣椒好正 , 就入黎試試!店子細小 , 但勝在老闆熱誠地詳細介紹款式搭夠 , 盡量配合食客口味 , 令客人感覺到老闆對客人既體貼啊!最後喺老闆推介下點左三燒桂林米粉 , 本身我話唔食燒肉 , 老闆話可改埋另外兩款 , 可是老闆忘了 , 上枱的都係三燒 --- 牛肉 , 叉燒及燒肉,三款餸都係乾身的 , 牛肉同叉燒係乾得黎好瘦好瘦既 , 我自己就鍾意食少少肥 , 而燒肉就剛好相反 , 係勁勁勁肥 , 但好鬼香 , 塊皮脆到飛起 , 唔鍾意食肥就千其唔好叫 , 因肉同肥膏既比例係 1:3 !!!雖叫米粉 , 但外表似意粉 , 口感似米線 , 彈牙而煙韌 , 我鍾意 , 老闆話呢d就係正宗既桂林米粉!食慣濃味既我嫌醬汁唔夠多同濃 , 但一經加左佢哋自家制辣椒後 , 嗜辣既我就開始不停口了 , 加左辣椒後 , 感覺即時昇左lv , d辣椒加埋葱花 , 唔知仲有加左咩調味 , 好香而且好夠辣味啊!雖然叫左湯撈 , 但我無加到落去 , 因欽左一啖後 , 感覺同住家湯一樣 , 無味精 , 又唔想冲淡d辣醬味 , 所以我覺得當湯飲唔加落去會精彩d呢!如果我