上海弄堂菜肉餛飩 (綿發街) (已結業)

今晚同媽媽去跑馬地個間上海弄堂菜肉餛飩食晚餐，佢個位置係條小斜路中間位，大大個招牌，一眼就睇到 今次媽媽係 “素食家餐牌” 嗌咗一碗【素菜餛飩 (8只) $52】原來都幾大碗喎，粒粒餛飩都皮薄餡靚，每粒都大大粒，餡料好足料 除咗餛飩外，媽媽仲嗌咗個【香菰烤麩湯麵 $68】烤麩大大件勁入味、香菇大件厚肉、雲耳爽口、金針菜都入哂味；湯底係素湯好清，麵質適中 睇到餐牌有【脆皮素鴨 $62】呢款必食推介，用腐皮包住餡料，腐皮炸得超脆口(就算放耐咗都一樣咁香脆)，餡料有紅蘿蔔、雲耳、冬筍、香菇，咬落滿滿餡料 我就嗌咗碗【酸辣湯 $40】熱辣辣嘅酸辣湯勁足料，材料好足料，口感豐富，有豬肉絲、豬肚、雲耳、雞蛋、豆腐、筍，酸辣度剛好，又香又好飲 (好想飲多一碗) 最後嗌埋【小籠包 4隻 $40】熱辣辣嘅小籠包，有4隻，每隻都皮薄餡靚，包住濃郁湯汁，餡料有嫩滑豬肉碎 食上海菜當然要叫番杯冰凍【豆漿 $17】豆漿味香濃，味道唔甜 上海弄堂菜肉餛飩 (綿發街)跑馬地綿發街10號地舖