五穀豐收 (已結業)

最近呢附近開左好多唔同嘅食肆, 見到呢間未試過, 由外面望入去都幾乾淨, 又冇乜人 ,就去試吓, 入面有十幾張枱, 坐落幾舒服, 牆上掛左幾幅畫裝飾, 仲貼左張通告, 餐廳唔想浪費, 唔會主動俾杯水客人, 如需要要自己出聲, 睇吓餐牌有三文治, 粉麵, 粥, 腸粉, 豆漿, 甜品, 小食, 豆腐花, 還有多款小菜, 如餐要凍飲+$2 , 最後揀左個扒餐要豆漿吉列豬扒 大大塊豬扒, 好鬆化, 味道啱啱好, 仲有4件鴨胸及奶油多士, 連埋杯熱豆漿 $32熱豆漿 豆味唔太濃, 不太甜