龍驤 (已結業)

以前成日都會黎紅磡，但都唔知有間咁既隱世日菜。朋友話lee間好野, 點都要試下。黎到真係好有係日本搵小店既feel. 佢係舊式尖東區既商場入面。 感覺好似有d舊, 冇咩人去既地方, 但搵到間食店後, 又發覺幾多人, 仲幾乎坐滿tim.lunch時段，叫左2個set: 日式刺身定食, 網燒牛小排定食，再加左日式煎餃。 仲有蒸蛋, 沙律同麵豉湯跟。蒸蛋好滑, 唔會有蛋腥味或水太多既感覺。 仲有香菇，乾搖柱同魚蛋。 好香, 好好味。煎餃比一般舖頭賣既大件d, 煎得好脆, 唔會太硬。刺身定食真係冇令人失望。 $158我覺得好抵。 佢既魚生非常新鮮。 入口唔會有雪味, 每一片都切得細緻。 入口軟綿, 唔會有筋或者皮會痴口。 真係好懷念日本。 最正係拖羅入口即溶既感覺，香港可能要食到好貴先有話個享受。網燒牛好吸引。 份量比想像中多。 如果可以睇住佢燒就仲正。用大鐵板燒既日本牛係好食d既。 口感剛剛好, 雖然牛味唔太重, 但都好香。超級回味既一餐。 這間隱世日菜真係好得。