榮哥廚房私房菜

營業中

休息中

👧🏻最鍾意周圍覓食。今次帶嫂嫂黎到觀塘工廈。一試私房菜。預早幾日訂枱～餐廳print 咗個菜單出黎。右上角有客人個名架。感覺被尊重。有機沙律菜伴芝麻醬～沙律菜好新鮮。索索聲。蕃茄仔好甜。保健秋葵真味。涼伴黑木耳～木耳入味爽口。平時食嘅秋葵好dry 滑散散。呢度嘅秋葵配上芝麻醬好好味。茶燻流心蛋伴黑魚子醬配厚切茄子～糖心蛋淡淡茶香。厚厚嘅茄子口感豐富。配上甜甜辣辣汁。份外惹味。清酒南非鮑魚～鮑魚大大隻。酒味滲透爽滑嘅鮑魚。原盅燉川貝陳皮海底椰鱷魚肉湯（位上）材料足。有鱷魚肉。螺頭。豬肉。川貝。陳皮。個湯好甜。鱷魚肉好滑。不用5分鐘就消滅了。可唔可以refill 丫蝦球水芙蓉～蝦肉好大粒。好爽。蛋好滑溜。冰梅黑豚肉排骨～米通趣卜卜。配上酸酸甜甜嘅豬豚肉。滋味十足👅鮮魚湯浸碧綠溫室菜苗～🐠湯味濃唔腥。菜苗新鮮清甜。杞子甜入❤️。不錯嘅組合。荷香蒜蓉海斑片原籠蒸鴛鴦飯～海斑啖啖肉。魚嘅鮮甜。油份。滲透每一粒米飯。好好味。紅米混合白米。好健康甜蜜美滿慶團圓（甜點雙併）雪糕味道有4款選擇。普普通通。不是大牌子雪糕。炸紫薯香芋丸。味道不太甜唔油膩。👧🏻第一次食私房菜。感覺良好。備受尊重。食物有驚喜。