奈良上釜 (已結業)

前年同男朋友去奈良食過一間好出名嘅釜飯，仲記得排左45分鐘先入得去，高人氣果然不是浪得虛名！原來香港最近開左第一間釜飯專門店，我就同男朋友來試試，希望尋回日本的味道。六點幾去到只有兩枱客人，餐廳比想像中小呢。Menu上有各款釜飯同蕎麥麵套餐，我地揀左新推出期間限定嘅蟹盛。先來松葉蟹腳同天婦羅，蟹腳頗粗壯但有點難拆開，蟹肉味道鮮甜，旁邊附上薑蓉蟹醋。天婦羅炸得香脆但偏油膩，整體一般。15分鐘後釜飯來了。趁熱食茶碗蒸，蒸蛋真係超滑溜~蛋香突出，仲有啖啖鮮嫩蟹肉同脆卜卜蟹籽。跟住揭開鍋蓋，蟹蓋下有蟹膏、蟹籽、蟹肉，份量不稀場。將飯混和蟹膏，帶有淡淡甘甜，每啖都食到一絲絲蟹肉。可惜釜飯完全唔似奈良食過嘅味道，米飯腍身而且飯焦質感糊糊的。飯嘅份量好多，足夠兩個人享用，但保存熱度方面有待改善。我認為整體食物價格偏高，環境較為狹窄，但為了那出色的茶碗蒸還是值得再訪。