隨心 (已搬遷) 新店位置

經食友介紹，來食過海南雞飯，味道不俗，對餐牌上好多菜色有興趣，擇日同好友再來。好少食星馬菜，唔識何謂正宗，總之幾好食就係。價錢唔貴，地方整潔!海南雞半隻 雞肉滑，份量足，薑蓉同豉油都好味! 海鮮叻沙,湯汁香濃。海鮮料足！ 包括：蝦、蟹柳、魚片、魚蛋、全熟蛋、芽菜等~ 相當豐富！食拼盆 雞絲沙律、沙爹黃金豆腐、水果囉咯沙律、青蘋果沙律。沙律醬汁較厚身，甜甜酸酸，好特別，配上生果好醒胃。炸豆腐配沙爹汁又幾好食，整個拼盆好有新鮮感。檸檬薏米水 ，健康又有益！