翠林辣蟹舫

營業中

休息中

一行三人，慶祝朋友生日，壽星女想食蟹，緊係搵朋友推介邊度有好介紹。尖沙咀翠林辣蟹舫🦀店主推薦：避風塘炒辣蟹🦀，辣蟹上枱三個人嘩嘩聲好勁，蟹非常之大隻，賣相非常之吸引，蟹腳卜卜脆有微微辣味，蟹肉好嫩好鮮好惹味，果然冇介紹錯👍🏼袐製污糟雞🐔，好少依家用蒸籠蒸雞，有荷葉墊底保留雞汁，雞肉入味嫩滑多汁配上榨菜絲、紅棗。非常好味😋豉椒炒蜆，蜆好大隻，隻隻都有蜆肉，又大碟又惹味，雖然用豉椒炒冇影響蜆肉鮮味，好值得推介👍🏼飛天通菜煲，熱辣辣少少辣，加入肉碎、蝦肉蝦醬炒得啱啱好唔會好濃，好入味😋店姨姨，服務態度非常之好。環境舒適。值得推薦比朋友😊