孖寶車仔麵

營業中

休息中

阿妹今日帶我嚟食車仔麵，之前荃灣仲有分店嘅時候佢已經成日幫襯。餐廳喺地下嗰層，離遠已經見到有人排隊有人等外賣，好彩我哋等咗十分鐘左右有位。Menu個設計好得意餸嘅選擇相當多，車仔麵應該要有嘅餸佢都有。呢度除咗粉麵之外，仲可以揀跟飯或者腸粉，我孤陋寡聞，今次係第一次見有車仔飯呢樣嘢。我揀咗滷水豆腐，蘿蔔同生菜，滷水豆腐一份有三件，大大件😍另外蘿蔔都清甜無根，十分高質，我覺得係必食之選！阿妹嗰碗有雞腎，大腸，豬油渣同牛雜，佢話豬油渣好特別，索湯得嚟個心都仲脆脆地，其他地方無食過咁嘅質地嘅豬油渣。另外仲嗌多咗個齋麵筋配辣汁(小辣)，食完好飽好滿足😋😋