云手工火鍋店

營業中

休息中

打邊爐使我快樂👼🏻 一年四季都係打邊爐嘅好日子🍃 好鍾意挑戰特別野，特登揀咗啲自家製，其他餐廳比較難搵到嘅食物試試🤤🦀火焰沙白蟹鍋 $328 🤤店員先加入芫荽🌿 炒到沙白同蟹香噴噴，再加入清酒點火，最後加入清湯。湯底帶點海鮮風味，微微嘅辣勁同酒香，又唔會蓋過配料嘅味道。沙白多汁，蟹肉新鮮，唔錯👍🏻🦀自製黑松露蟹肉餃 $68一入口係十足嘅黑松露味道，裏面有一絲絲蟹肉，加上係自家製出品，有誠意。-🦀手打鹹蛋黃蝦丸 $52 🤤手打丸都係打邊爐主角之一！口感彈牙，蝦味濃郁，新鮮！中間有少少鹹蛋黃醬，對我嚟講比例啱啱好，唔會太濃太鹹，可以encore嘅菜式！🦀花雕醉滑牛 $128🦀水晶滑牛 $128到底有幾鍾意食滑牛，先會叫咗兩份🤭 份量多，適合多人分享。牛肉分別加人花雕酒及蛋液，花雕帶有酒香，蛋液就口感更順滑，各有特色。