Mimila (已結業)

周未黎到沙田行街，當然順便係到覓食。今日黎咗呢間裝潢靚靚既，食馬拉菜既餐廳。Mimila午市時間都好多人，好彩咁啱有位。鋪面面積唔算大，所以座位與座位之間比較近。美國牛肉蝦虸麵 ($88)望落好似普普通通咁，但一入口就不得了。蝦虸鋪係麵上，其味道非常香，旁邊仲有蔥油，令成個撈麵充滿蝦虸香味同蔥油香，真係好味一口接一口咁食。若嫌唔夠飽，仲可以追加配料，有海蝦、手撕雞、魚蛋等等，任君選擇。撈麵仲會送埋豬骨湯，湯味好香濃。馬來辣蝦湯 ($88)既然係店家既招牌菜，點都要叫一客黎試試。未食之前，要先試下湯㡳。湯㡳有兩個層次，首圥試到香既蝦味，之後會試到辣味，但唔會嗆喉，非常過癮。海蝦肉質彈牙，而且都幾大隻。自家制檸檬薏米水 ($28)檸檬味清香，加埋薏米，兩者都好配合。飲到㡳有粒粒薏米添，真材實料呀。