六両三 (已結業)

傍晚行在尖沙咀街頭, 在一個橫街窄巷裡面, 見到一個奇景, 一間細細地個鋪頭外面排了好長一條人龍, 香港人出名好奇心重, 我都唔例外, 見人排隊就好奇地去望下, 原來是排隊等入鋪食台灣嘢, 於是我都排埋一份想試下有咩嘢咁好食咁多人等.大約半個鐘到, 終於我可以有位食嘢了, 睇番Menu, 有台灣牛肉麵, 滷肉飯等等非常地道的台灣嘢食, 而且價錢非常平民化, 很是吸引, 於是我order了一個川燒紅燒牛腱牛肋條麵及皮蛋豆腐, 其實仲想試下米血糕及燙青菜+滷肉, 但應該食唔曬, 留返下次再試.好快, 我碗熱騰騰的川燒紅燒牛腱牛肋條麵來到我面前, 首先聞到的是香濃的牛肉湯的味道, 醬色的牛肉湯散發住濃郁的牛肉香, 令人垂涎欲滴, 這家的湯底特別標明是自家用牛骨在新鮮蔬果來敖制, 不添加味精的,即刻飲一啖湯先, 入口鮮香, 有牛肉味, 正正就是久違了的台灣牛肉麵的香味, 一啖湯已激活D味蕾, 急不可待的挑起的麵條來食, 麵條我選的是粗面, 我喜歡它煙韌有咬口但又唔怕硬, 好食! 牛腱及牛肋條都非常林,口感各有不同, 煮得非常入味, 超好食!另外嗰個小食皮蛋豆腐亦都相當唔錯, 豆腐有豆味而且很滑