509
22
7
等級1
4
0
之前一直收藏呢間餐廳但久久未試,今晚終於有機會試吓喇!餐廳喺旺角B出口附近一幢大廈入面嘅一樓,地方算係幾就腳。平日夜晚8點左右嚟到只有幾枱客,唔洗等位。一行三人嚟到試咗三個麵食,整體感覺都幾滿意,有興趣就睇埋下面詳細少少嘅介紹啦!*****呢度每款湯麵都有得揀魚麵或者魚烏冬,兩者嘅分別在於魚麵用咗70%魚肉整成,口感比較爽口彈牙;而魚烏冬就用咗50%魚肉整,口感就煙韌啲。個人就鍾意食魚烏冬多啲,配埋魚湯都幾夠魚味。我哋今次試咗三款麵食,分別係魚之戀、避風塘雞翼魚烏冬同埋麵麵圍城。魚之戀:大約有6樣魚製品,每樣各一粒,感覺都幾滿足。最特別嘅應該係魚腐皮卷,好香口。試咗友人一隻避風塘雞翼,食落有驚喜,蒜味好夠唔太辣,鍾意食惹味野應該幾啱,但真係好熱氣。而另一友人點嘅麵麵圍城就一共有9款小菜,全部都細細碟。其實每款小菜都幾好味,但份量略少,唔太值呢個價。另外跟餐配嘅魚麵有得兩食,分開湯上嘅,仲有麻醬俾你撈嚟食(呢個食法又幾好食)。P.S. 除咗麵麵圍城之外,其他兩款麵都有配三樣特色前菜小食,梅漬蕃茄酸酸甜甜咁幾開胃。
更多
之前一直收藏呢間餐廳但久久未試,今晚終於有機會試吓喇!
5 瀏覽
0 讚好
0 留言

餐廳喺旺角B出口附近一幢大廈入面嘅一樓,地方算係幾就腳。平日夜晚8點左右嚟到只有幾枱客,唔洗等位。
一行三人嚟到試咗三個麵食,整體感覺都幾滿意,有興趣就睇埋下面詳細少少嘅介紹啦!

*****
呢度每款湯麵都有得揀魚麵或者魚烏冬,兩者嘅分別在於魚麵用咗70%魚肉整成,口感比較爽口彈牙;而魚烏冬就用咗50%魚肉整,口感就煙韌啲。個人就鍾意食魚烏冬多啲,配埋魚湯都幾夠魚味。


我哋今次試咗三款麵食,分別係魚之戀、避風塘雞翼魚烏冬同埋麵麵圍城。

魚之戀
$72
7 瀏覽
0 讚好
0 留言

魚之戀:大約有6樣魚製品,每樣各一粒,感覺都幾滿足。最特別嘅應該係魚腐皮卷,好香口。

避風塘雞翼
3 瀏覽
0 讚好
0 留言

試咗友人一隻避風塘雞翼,食落有驚喜,蒜味好夠唔太辣,鍾意食惹味野應該幾啱,但真係好熱氣。

麵麵圍城
$108
11 瀏覽
1 讚好
0 留言
麵麵圍城
8 瀏覽
0 讚好
0 留言

而另一友人點嘅麵麵圍城就一共有9款小菜,全部都細細碟。其實每款小菜都幾好味,但份量略少,唔太值呢個價。另外跟餐配嘅魚麵有得兩食,分開湯上嘅,仲有麻醬俾你撈嚟食(呢個食法又幾好食)。

特色前菜小食
3 瀏覽
0 讚好
0 留言

P.S. 除咗麵麵圍城之外,其他兩款麵都有配三樣特色前菜小食,梅漬蕃茄酸酸甜甜咁幾開胃。


36 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$80 (晚餐)
推介美食
魚之戀
$ 72
避風塘雞翼
特色前菜小食