影片
更多
2019-05-11
244 瀏覽
餐廳環境舒適， 地方寬敞、 寧靜， 燈光柔和， 一邊用餐時， 一邊可欣賞窗外中環美麗夜景。晚餐: 前菜 +餐湯 +主菜+ 飲品煙三文魚藜麥牛油果沙律， 沙律菜新鮮翠綠 ，牛油果清新黏糯，煙三文魚嫩滑， 配上藜麥， 感覺健康又有營養。八爪魚配欖油及柚子醬八爪魚彈牙、嚼勁 ， 好鮮味， 配上柚子醬， 酸酸甜甜， 開胃又惹味， 配搭有驚喜。南瓜湯， 入口順滑， 啖啖都是南瓜的香甜，配埋 卜卜脆蒜蓉包， 食完滿嘴蒜香， 滋味無窮 。至尊海鮮西班牙炒飯 西班牙海鮮飯是鮮味盛宴，表面舖滿大蝦、 帶子、 青口、蜆肉及辣肉腸等，大蝦肉結實彈牙， 青口和蜆肉肥美， 脹卜卜， 帶子厚身飽滿， 表面煎得微微焦香， 鮮味突出 ，辣肉腸薄片微辣， 煙煙靭靭。米飯口感偏濕潤， 飯吸收了海鮮的精華， 鮮味提升， 啖啖好鮮味，令人吃過不停!秘製醬燒豬肋骨豬肋骨烤至油光亮澤， 豐腴肥美， 令人垂涎， 咬下去充滿肉汁， 肉嫩可口，加上酸酸甜甜的秘製醬，愈食愈滋味 ! 薯條新鮮熱辣辣， 幼身香脆， 好回味。風花雪月( 士多啤梨+芒果乳酪奶昔)奶昔由士多啤梨、芒果加乳酪混合而成， 顏色鮮黃， 配上士多啤梨及芒果粒點綴， 賣相
餐廳環境舒適， 地方寬敞、 寧靜， 燈光柔和， 一邊用餐時， 一邊可欣賞窗外中環美麗夜景。
晚餐: 前菜 +餐湯 +主菜+ 飲品
煙三文魚藜麥牛油果沙律， 沙律菜新鮮翠綠 ，牛油果清新黏糯，煙三文魚嫩滑， 配上藜麥， 感覺健康又有營養。
八爪魚配欖油及柚子醬
八爪魚彈牙、嚼勁 ， 好鮮味， 配上柚子醬， 酸酸甜甜， 開胃又惹味， 配搭有驚喜。
南瓜湯， 入口順滑， 啖啖都是南瓜的香甜，配埋 卜卜脆蒜蓉包， 食完滿嘴蒜香， 滋味無窮 。
至尊海鮮西班牙炒飯
西班牙海鮮飯是鮮味盛宴，表面舖滿大蝦、 帶子、 青口、蜆肉及辣肉腸等，大蝦肉結實彈牙， 青口和蜆肉肥美， 脹卜卜， 帶子厚身飽滿， 表面煎得微微焦香， 鮮味突出 ，辣肉腸薄片微辣， 煙煙靭靭。米飯口感偏濕潤， 飯吸收了海鮮的精華， 鮮味提升， 啖啖好鮮味，令人吃過不停!
秘製醬燒豬肋骨
豬肋骨烤至油光亮澤， 豐腴肥美， 令人垂涎， 咬下去充滿肉汁， 肉嫩可口，加上酸酸甜甜的秘製醬，愈食愈滋味 ! 薯條新鮮熱辣辣， 幼身香脆， 好回味。
風花雪月( 士多啤梨+芒果乳酪奶昔)
奶昔由士多啤梨、芒果加乳酪混合而成， 顏色鮮黃， 配上士多啤梨及芒果粒點綴， 賣相吸引，沙冰冰爽刺激， 入口酸酸甜甜，充滿迷人果香，感覺清新又可減膩， 不錯的配搭。
張貼
