土耳其小城 (萬昌樓) (已結業)

今晚同朋友去試元朗試吓特別野，係一間食土耳其野嘅小店，位置十分方便，喺輕鐵站附近，沿住天橋行好方便，門口裝修好有心思🇹🇷❤️我哋一入到去，就欣賞吓店內裝修，簡單來講十分有異國風情，未坐底眼睛已經先大吃一餐，尤其係天花版所掛的特別燈光裝飾及牆身掛畫😍😍因為朋友唔太食得辣，所以叫左兩杯飲品，兩款炸野，一款卷餅，一款沙律同埋兩款烤餅。飲品分別為芒果乳酸同原味乳酸，芒果乳酸味道係酸中帶微甜，原味乳酸則有陣淡淡嘅酸奶味，感覺清新🥭🥛兩款炸野分別為土城炸魚件同脆皮鮮奶卷。土城炸魚件外脆內軟外加酸奶醬同薄荷醬，令炸野少一份油膩，而脆皮鮮奶卷入口即溶，奶味濃而突出。卷餅為烤野雞肉卷餅，外面用錫紙包住保持温度，卷餅外皮薄而內裏有雞肉同蔬菜，比例太約為2比1，令到卷餅有鮮嫩亦有清新，而且肉汁豐富🫔沙律為我哋唯一叫嘅一款辣野，土耳其辣雞沙律，原本以為會好辣，但係食落只係微辣而夠濃味，口感同顏色豐富，令人食指大動，再搭配印度烤餅同蒜油烤餅，食到滿足而好飽🥗值得一讚係枱上嘅三款醬汁，分別係酸奶醬、薄荷醬同辣醬，我哋都有試過，味道豐富而且各有特式，特別一提嘅係三款醬汁一拿上手係微凍嘅，再加上特式牙籤筒同酒精抹手液，