滿樂中菜 (已結業)

我其實幾鍾意食中式點心，但係就鍾意去一啲比較寧靜又坐得舒服嘅中菜廳😛位於戲曲中心嘅滿樂中菜，環境一流。餐廳座位坐得舒服，而且仲播住非常悠閒嘅音樂 🎵嘆茶真係一流！呢度嘅點心亦都多元化，鍾意佢嘅點心一般都以兩件為主，所以可以試多啲款式。除咗點心佢仲有小菜、燒味、甜品等等。午市揀咗叫點心😉▶️招牌蝦餃皇蝦餃夠薄，蝦好爽口，新鮮！▶️百樂燒賣皇超大粒，豬肉及蝦都爽口，好味！▶️香煎蘿蔔糕厚身但煎得香脆🤤 ▶️牛油果蝦春卷牛油果🥑仲有西芹，配蝦又幾特別▶️菜苗鮮蝦腸呢個蝦好大隻 ，又爽口，腸粉夠滑身～▶️醬皇金錢肚份量都幾多，金錢肚夠入味！點心有質素，環境服務都好！