影片
更多
2021-04-28
108 瀏覽
通菜街嘅兩邊一向都多小店餐廳，而每一次經過呢間一生懸麵都總會見到長長嘅人龍，令到我一直都好想嚟食，睇吓係咪真係咁值得去排隊.星期五嘅夜晚同朋友喺旺角諗左好耐都唔知食咩好，見都係大概7點度諗住應該未算太多人，所以就決定去呢間拉麵舖試吓。不過我哋實在太天真喇，離遠已經見到好長嘅人龍，仲心諗應該係隔離鋪姐，點知行近啲就見到原來真係等緊一生懸麵嘅人，總共排過左成兩個鋪位有多 😳😳.差唔多排到門口嘅時候，侍應會比張點餐紙你填好晒要啲乜，佢哋選擇唔算多，拉麵沾麵各四款另外仲有一個期間限定。最尾等咗差唔多成一個鐘先有得入，因為喺門口已經點哂嘢食，所以坐低冇耐就已經可以開始食luu!!!.辛辣沾麵 ($78)又再一次喺唔使點諗嘅情況下即刻揀左menu上辣嘅option 😂 一嚟到發覺份量都唔少，每碗有兩大塊叉燒同半隻溏心蛋。每塊叉燒都有再燒過少少表面，食落更香口，不過叉燒肥左少少，有啲肥膏多過肉，如果唔中意食肥嘅朋友就要考慮一下了。我嗰隻溏心蛋成功做到流心效果(不過朋友嗰隻就熟左啲，所以煮嘅時間有參差 😶)麵揀左”較柔”但唔會因為甘而一 ’pat’，佢個沾麵湯底亦好香濃，一開始唔算辣，係食食下個辣味會
.
星期五嘅夜晚同朋友喺旺角諗左好耐都唔知食咩好，見都係大概7點度諗住應該未算太多人，所以就決定去呢間拉麵舖試吓。不過我哋實在太天真喇，離遠已經見到好長嘅人龍，仲心諗應該係隔離鋪姐，點知行近啲就見到原來真係等緊一生懸麵嘅人，總共排過左成兩個鋪位有多 😳😳
.
差唔多排到門口嘅時候，侍應會比張點餐紙你填好晒要啲乜，佢哋選擇唔算多，拉麵沾麵各四款另外仲有一個期間限定。
最尾等咗差唔多成一個鐘先有得入，因為喺門口已經點哂嘢食，所以坐低冇耐就已經可以開始食luu!!!
.
辛辣沾麵 ($78)
又再一次喺唔使點諗嘅情況下即刻揀左menu上辣嘅option 😂 一嚟到發覺份量都唔少，每碗有兩大塊叉燒同半隻溏心蛋。每塊叉燒都有再燒過少少表面，食落更香口，不過叉燒肥左少少，有啲肥膏多過肉，如果唔中意食肥嘅朋友就要考慮一下了。我嗰隻溏心蛋成功做到流心效果(不過朋友嗰隻就熟左啲，所以煮嘅時間有參差 😶)
麵揀左”較柔”但唔會因為甘而一 ’pat’，佢個沾麵湯底亦好香濃，一開始唔算辣，係食食下個辣味會再出啲，湯入面亦有少少叉燒粒令成個湯冇甘寡，而麵亦成功做到掛湯效果！
.
濃香櫻蝦沾麵 ($83)
朋友叫左呢度最出名嗰櫻蝦沾麵，一嚟度時就見到海量嘅櫻花蝦喺嗰湯上面超級吸引！試左佢嗰款幾啖，湯嚟講比起辣嗰款冇甘濃郁，所以亦相對嚟講令到掛湯效果冇另一款甘好。不過因為超足料所以食嘅時候啖啖有蝦、蝦味亦好出，中意食蝦嘅絕對會超滿足 😌😌
.
呢間餐廳的確幾好食，但下次再食始終會揀喺冇甘多人嘅時間先嚟了，畢竟等一個鐘的確有啲耐嘛🙈🙈
張貼
