影片
更多
2024-05-03
24 瀏覽
老公生日帶佢去食好嘢，佢鍾意食日本嘢，要食好嘢但係又唔想太肉赤，見到Sushi N有全日omakase $698一位再加一，性價比好高，決定帶老公嚟試吓。前菜首先食個沙律，開胃一下。茶碗蒸好有誠意，蒸蛋滑溜溜，上面鋪滿咗三文魚子，裏面有冬菇，蟹柳絲，小貝等。生蠔岩手縣大船渡真蠔，好大隻飽滿，肉質爽脆且滑，按個人喜好加入青檸汁。刺身兩品首先係甜蝦他他，好精緻。甜蝦蓉有啲岩鹽做調味，散發住菊花香氣。試咗原味後，就配香脆鱈魚片食，又是另一番風味。然後係間八魚刺身，肉質爽滑。配以特製松露酸汁，配埋啲紫蘇花一齊食，零舍香。和食係吉列大蝦，配自家製蕃茄醬。熱辣辣，好香脆，隻大蝦真係好大，好多肉，肉質緊緻爽口，係好新鮮嘅蝦。個蝦頭炸得非常香脆好有蝦味，蘸d蕃茄醬一齊食，好和味。個醬好香洋蔥味，而且有好多蕃茄蓉，正。壽司五貫蜜柑鯛壽司，滑帶爽，呢種魚以蜜柑皮位置，令其魚肉散發淡淡蜜柑香氣。黑鯥魚壽司，經火炙令其油份輕輕滲出，配上三星漬。伊佐木壽司，配柚子胡椒，味道清爽。北海道鮫鰈魚壽司加上魚裙邊，經火炙，好肥美，一啖放晒入口，入口溶化嘅感覺。雲丹北海道紫海膽軍艦，紫海膽甘甜幼滑，creamy味道柔和。
前菜
首先食個沙律，開胃一下。
茶碗蒸
好有誠意，蒸蛋滑溜溜，上面鋪滿咗三文魚子，裏面有冬菇，蟹柳絲，小貝等。
生蠔
岩手縣大船渡真蠔，好大隻飽滿，肉質爽脆且滑，按個人喜好加入青檸汁。
刺身兩品
首先係甜蝦他他，好精緻。甜蝦蓉有啲岩鹽做調味，散發住菊花香氣。試咗原味後，就配香脆鱈魚片食，又是另一番風味。
然後係間八魚刺身，肉質爽滑。配以特製松露酸汁，配埋啲紫蘇花一齊食，零舍香。
和食
係吉列大蝦，配自家製蕃茄醬。熱辣辣，好香脆，隻大蝦真係好大，好多肉，肉質緊緻爽口，係好新鮮嘅蝦。個蝦頭炸得非常香脆好有蝦味，蘸d蕃茄醬一齊食，好和味。個醬好香洋蔥味，而且有好多蕃茄蓉，正。
壽司五貫
蜜柑鯛壽司，滑帶爽，呢種魚以蜜柑皮位置，令其魚肉散發淡淡蜜柑香氣。
黑鯥魚壽司，經火炙令其油份輕輕滲出，配上三星漬。
伊佐木壽司，配柚子胡椒，味道清爽。
北海道鮫鰈魚壽司加上魚裙邊，經火炙，好肥美，一啖放晒入口，入口溶化嘅感覺。
雲丹
北海道紫海膽軍艦，紫海膽甘甜幼滑，creamy味道柔和。
鮑魚
清酒煮鮑魚壽司，鮑魚好腍彈，清酒煮帶出了鮑魚鮮味。
拖羅
今日呢款係中拖羅，好肥美嫩滑，入口即溶，魚油甘香。
跟住食埋壽司五貫嘅最後一貫，火炙銀鱈魚配炸京蔥絲。非常肥美，油香四溢，回味無窮。
和牛海膽卷
呢個和牛海膽卷不得了，師傅即場火炙和牛，牛油香氣香到不得了。壽司卷上面放上和牛，然後再放上海膽再以紫菜包裹，非常邪惡。和牛入口即溶再配上香滑海膽，呢個組合冇得輸。
吸物
食完壽司飲碗熱辣辣嘅麵豉湯，好舒服。湯都一點也不馬虎，裏面除咗豆腐昆布外還有蜆肉，幾鮮味。
海鹽雪糕
最後食埋甜品，呢款海鹽雪糕散發微鹹的海鹽味，幾特別香滑，為這一餐生日飯畫上完美。
總括而言，今次嘅Omakase性價比極高，食物質素不錯，服務亦好。師傅還好細心特意將壽司飯份量調校細一點俾我，方便女生嘴巴較細，可以輕鬆把整件壽司一啖放入口食用。
張貼
