影片
更多
2020-12-08
31 瀏覽
西環好多有格調嘅小店，見依間新開嘅環境幾好而且仲要好特別係食泰國菜fusion，所以收工後一於去試下！幾鍾意依到嘅環境，樓底高裝修又靚，坐低傾下計慢慢食一餐好舒服。依到four course 嘅晚餐都係每人$228，價錢親民。首先揀左冬蔭龍蝦湯流心牛角包🥐，好驚喜！一切開熱辣辣嘅冬蔭龍蝦湯就流哂出黎，視覺效果好好。味道都係出乎意料地夾！似係飲緊酥皮湯。個湯少辣偏酸，好開胃。跟住就試左燒美國生蠔配泰式辣汁，其實就係用黎點泰式生蝦嗰個汁！用黎食生蠔就第一次試，但個汁都真係有助帶出蠔嘅鮮味，好正。主菜叫咗泰式燒西班牙黑毛豬頸肉，會跟埋白飯。燒完都仲係好juicy好滑，略嫌爭少少燒果種香味但配埋個醬汁都好滋味。最後甜品揀咗椰子雪糕配風乾鳳梨及紫糯米，一睇賣相都好吸引，椰子雪糕喺香港真係好少機會食到，而且仲要係濃椰香，一啲都唔假！今餐真係食得好滿足，食物質素同環境都好好，真係值得再戰！
幾鍾意依到嘅環境，樓底高裝修又靚，坐低傾下計慢慢食一餐好舒服。
依到four course 嘅晚餐都係每人$228，價錢親民。
首先揀左冬蔭龍蝦湯流心牛角包🥐，好驚喜！一切開熱辣辣嘅冬蔭龍蝦湯就流哂出黎，視覺效果好好。味道都係出乎意料地夾！似係飲緊酥皮湯。個湯少辣偏酸，好開胃。
跟住就試左燒美國生蠔配泰式辣汁，其實就係用黎點泰式生蝦嗰個汁！用黎食生蠔就第一次試，但個汁都真係有助帶出蠔嘅鮮味，好正。
主菜叫咗泰式燒西班牙黑毛豬頸肉，會跟埋白飯。燒完都仲係好juicy好滑，略嫌爭少少燒果種香味但配埋個醬汁都好滋味。
最後甜品揀咗椰子雪糕配風乾鳳梨及紫糯米，一睇賣相都好吸引，椰子雪糕喺香港真係好少機會食到，而且仲要係濃椰香，一啲都唔假！
今餐真係食得好滿足，食物質素同環境都好好，真係值得再戰！
張貼
