胡爐 (已結業)

好耐没有打邊爐，突然心血來潮就想食，好彩係銅鑼灣有好多選擇，最後選左在百樂中心既胡爐，就係因為佢個原隻龍蝦湯底，聽落好似好奢侈，但價錢夠貼地，性價比絕對高。職員會係你面前玩火，燒隻龍蝦令個湯底入味，跟住倒入濃郁既龍蝦湯，睇到視覺上已經好享受，飲落真心鮮甜，十級推薦！原隻龍蝦，啖啖肉，冇因爲係湯底就縮水，做配角都做到咁出色，抵贊。打邊爐一定要肉，今次叫左個黑毛豬，肥瘦適中，唯一美中不足係份量有點少。牛柏葉，打邊爐最愛，雖然有點貴，但黑色既牛柏葉姐係冇漂過，貴少少都抵啦。原隻鮮蝦水餃 + 松露蟹肉餃松露味十足，但有點蓋過蟹肉既味。大大粒鮮蝦，仲唔止一兩隻，鮮甜抵食。最後叫埋蟹棒，菜呀，每人500幾蚊，雖然唔算平，但係香港食到新鮮原隻龍蝦做湯底既火鍋，應該冇幾間，性價比高，絕對唔會令你失望。