The Farmhouse 咖啡廳 (裝修中)

今日黎食自助餐，對可樂怪👸🏻既我黎講，最驚喜係呢度有支裝可樂飲😋😋😋呢間餐廳有海景睇，裝修以木色為主，每個攞食物區域都有唔同既裝修，岩哂後生仔女黎打卡影相。值得讚係疫情下，每個食物區附近都有酒精搓手液提供，又提供口罩套，令大家食得安心。 一行入餐廳，我就比個雪糕區吸引左，有成12款雪糕，超正❤️飲品餐廳有無限熱飲（咖啡機，唔同茶包，檸檬）比大家選擇。凍飲就有我最最最愛既支裝汽水。有正常可樂，zero，sprite，忌廉。我當然係飲紅色支裝可樂。正😋😋😋講下熱食先，熱食好多選擇，有西式，印度，港式，最驚喜佢有個潮洲打冷檔😍先西式有西冷排，香腸，肉丸，三文魚，黑松露薯蓉...但最正係有廚師即整白汁芝士長通粉。雖然飽肚，但係推介食😋印度區域就有印度薄餅，咖哩...港式有點心，即燙炒麵，但最最最特別係佢有個潮洲打冷檔，個檔口整得好靚，即刻影相，但如果有埋生腸食就好啦😂😂好啦講下甜品，candy bar 有小朋友最鍾意既軟糖，爆谷，棉花糖，朱古力...同打卡好靚既冬甩。旦糕我就最鍾意食檸檬旦白批。真係食飽左都想食。性價比高既先助餐，推介大家去試下