御鐵

營業中

休息中

今晚難得任性一下，同朋友去左間氣氛好好嘅餐廳，足膝詳談🥰呢到主打鐵板燒，座位分左兩邊，裝修好簡潔清幽，仲可以一路望住鐵板師傅既表演🤩晚餐餐牌入面有唔同套餐，我地就揀左中價位既Set B，價錢唔算貴，但食材都好名貴！食完沙律，第一道打頭陣既係‼️超大隻南非活鮑魚‼️隻鮑魚係我手板咁大，仲郁下郁下。因為餐廳入面有個魚缸養住啲鮑魚、龍蝦同其他海鮮，保證新鮮😚鮑魚真係啖啖肉，爽口彈牙🥰配埋伴碟既三文魚籽同海苔醬，好惹味，食咁大隻鮑魚都唔會膩👍🏻之後就食我手臂咁長既賴尿蝦💪🏻煎香左既蝦肉，香味撲鼻，外面有少少脆，肉質好嫩，海水味同鮮味都十足！最後主角有熊本縣A5和王牛🤩師傅上枱前仲會燒櫻桃木，將燒出黎嘅煙同A5和牛焗住，打開時係陣陣煙燻既味道😲A5和牛真係唔食都知油香十足，因為雪花紋理分佈平均，配少少淡雪鹽，真係超級回味！伴碟仲有黎自世界各地既蔬菜、大啡菇，整道菜清爽唔油膩！最後仲有清酒煮蜆湯同烏魚子炒飯。炒飯乾身彈牙，食得十分滿足！食飽飽，食埋個雪糕，再坐係餐廳飲住咖啡同朋友傾下計，真係一個幸福嘅晚上！