影片
更多
2022-11-08
82 瀏覽
💕最近天氣轉涼，好啱食暖笠笠既蒸氣海鮮鍋🥰依間小漁港既蒸氣海鮮套餐性價比好高，人均$318就食到一盤刺身拼盤、八款海鮮、四款時蔬、蟲草花滑雞烏冬、龍蝦排骨粥底，仲有個飯後甜品，豐富到連相都唔夠位po🤣仲要樣樣都好有水準，成功榮登我心目中top1既海鮮蒸氣鍋🥇💓┈✨是日廚師智選套餐 $318 （海鮮款式會因時令而每日轉換）✨ ㊀刺身拼盤 - 高質!!刺身拼盤包括三文魚腩、吞拿魚腩、帆立貝、希靈魚、北寄貝同象拔蚌，食落亦好有鮮味，三文魚腩同吞拿魚腩好肥美，唔會食到筋位，象拔蚌份量好多，而且非常鮮甜(˶‾᷄ ⁻̫ ‾᷅˵)✨㊁龍蝦、賴尿蝦-食完刺身就開始蒸海鮮🦞店員首先會起左個龍蝦頭落去粥底到煲，龍蝦肉爽口彈牙，非常鮮甜，真係好好味😋賴尿蝦勁新鮮，仲識郁下郁下，而且好大隻，成隻手掌咁長!!✋🏻一啲都唔霉，味道亦都係十分鮮甜～✨㊂馬友魚、南非鮑魚、蒜蓉粉絲蒸大元貝-魚肉嫩滑，清蒸唔洗蘸豉油已經好好味～鮑魚已經處理過，所以唔洗自己再挑內臟👍🏼鮑魚厚身，但食落口感唔會韌~元貝夠哂厚肉，味道鮮甜，而舖係上面嘅蒜蓉粉絲吸收晒元貝鮮味，好好味(´ސު｀)✨㊃蒜蓉海蝦- 海蝦肉質爽口彈牙，食落唔會霉，加埋蒜蓉好
💕最近天氣轉涼，好啱食暖笠笠既蒸氣海鮮鍋🥰依間小漁港既蒸氣海鮮套餐性價比好高，人均$318就食到一盤刺身拼盤、八款海鮮、四款時蔬、蟲草花滑雞烏冬、龍蝦排骨粥底，仲有個飯後甜品，豐富到連相都唔夠位po🤣仲要樣樣都好有水準，成功榮登我心目中top1既海鮮蒸氣鍋🥇💓
┈
✨是日廚師智選套餐 $318 （海鮮款式會因時令而每日轉換）
✨ ㊀刺身拼盤
- 高質!!刺身拼盤包括三文魚腩、吞拿魚腩、帆立貝、希靈魚、北寄貝同象拔蚌，食落亦好有鮮味，三文魚腩同吞拿魚腩好肥美，唔會食到筋位，象拔蚌份量好多，而且非常鮮甜(˶‾᷄ ⁻̫ ‾᷅˵)
✨㊁龍蝦、賴尿蝦
-食完刺身就開始蒸海鮮🦞店員首先會起左個龍蝦頭落去粥底到煲，龍蝦肉爽口彈牙，非常鮮甜，真係好好味😋賴尿蝦勁新鮮，仲識郁下郁下，而且好大隻，成隻手掌咁長!!✋🏻一啲都唔霉，味道亦都係十分鮮甜～
✨㊂馬友魚、南非鮑魚、蒜蓉粉絲蒸大元貝
-魚肉嫩滑，清蒸唔洗蘸豉油已經好好味～鮑魚已經處理過，所以唔洗自己再挑內臟👍🏼鮑魚厚身，但食落口感唔會韌~元貝夠哂厚肉，味道鮮甜，而舖係上面嘅蒜蓉粉絲吸收晒元貝鮮味，好好味(´ސު｀)
✨㊃蒜蓉海蝦
- 海蝦肉質爽口彈牙，食落唔會霉，加埋蒜蓉好惹味！
✨㊄生蠔、大蜆
- 生蠔脹卜卜咁!!入口有淡淡海水味，味道亦十分鮮甜！大蜆亦都鮮甜不帶沙～
✨ ㊅蟶子
- 肉質爽口，味道鮮甜，即使冇加蒜蓉調味，清蒸亦都好好食🤤
✨ ㊆安格斯肥牛、豚肉
-食完海鮮就食安格斯肥牛，牛味好香好濃郁(˶‾᷄ ⁻̫ ‾᷅˵)
✨ ㊇時蔬拼蟲草花蒸雞烏冬
- 雞件嫩滑，而烏冬就吸收哂蟲草花同雞肉嘅味道，調味好惹味～😋另外仲配左四款蔬菜，有蒜蓉蝦米勝瓜、芋頭、南瓜和粟米～
✨ ㊈龍蝦排骨元貝海鮮粥
- 到最後就係蒸氣火鍋既重點，就係最底既粥。依個粥吸滿曬海鮮既精華，鮮甜味美，係一個完美既句號٩(˃̶͈̀௰˂̶͈́)و
✨ ㊉黑糖豆沙和菓子
- 依個和菓子一啲都唔死甜，係好香既黑糖味，外層煙煙韌韌，中間夾住既豆沙餡甜度適中，即使依個時候已經食到勁飽，但依然覺得好食～😋
✨避風塘鮮魷 $68
- 啱啱坐低既時候都叫咗份小食醫肚，依份鮮魷份量多，外層炸到好香脆，鑊氣十足，加埋炸蒜辣椒好惹味，配啤酒一流👍🏻
┈
💕整體而言，以人均318依個價錢食到咁多款高質食物，刺身海鮮都非常之新鮮，店員見你食到咁上下會主動黎幫你蒸下一款海鮮，亦都會夾到你個碗到～服務非常周到！食完感覺非常滿足，絕對係會不停encore( ´▽｀)
張貼
