657
18
21
港鐵太子站 D 出口, 步行約9分鐘 繼續閱讀
電話號碼
28689863
68833144 (WhatsApp)
開飯介紹
由3位80後年青老闆創業,主打簡單又鮮美的蒸氣火鍋,少不了黃花魚、海花虎斑、海中蝦、花竹蝦、麵包蟹、本地奄仔蟹等各款海鮮;蟲草花蒸雞、黑毛豬腩片、芝士南瓜丸、魚蛋小籠包等蒸鍋配料。 繼續閱讀
附加資料
$1500以上方可使用信用卡付款
營業時間
今日營業
17:00 - 00:00
星期一至日
17:00 - 00:00
付款方式
Visa Master 現金
其他資料
酒精飲品
加一服務費
以上資料只供參考, 請與餐廳確認詳情
食評 (746)
等級4 2024-07-18
44 瀏覽
喜歡食海鮮的老友,約我去太子荔枝角的小漁港海鮮舫,食番餐原汁原味的海鮮蒸鍋。我哋㨂了是日精選套餐,$398/位,仲有2枝飲品,餐廳視付當天貨源提供食材,店員也會負責蒸煮部分,我同老友就翹埋雙手等食,相當唔錯啊。首先黎左個精美的刺身拼盤,食材新鮮,刺身有肥美油甘魚、三文魚、北寄貝、帶子及希靈魚,款款新鮮又夠凍,冷盤的琵琶蝦,鮮甜又夠爽彈,很捧啊。海鮮有龍蝦🦞,店員先將龍蝦頭放入煲粥內,龍蝦身便同尚在郁的瀨尿蝦一併蒸,龍蝦厚身十分之多肉,非常之鮮甜又有彈性,瀨尿蝦則鮮味多汁。再有平時好少食的馬友魚,好柔軟幼滑,彈牙鮮蝦,可口鮑魚同粉絲扇貝,粉絲蒸扇貝有埋蒜蓉,鮮味更出。蜆同青口的貝殼類,同樣十分高質。款款海鮮都超級新鮮,不用點什麼醬汁,己經非常之可口了。蔬菜有絲瓜、南瓜片、芋頭片、栗米同埋蕃薯🍠配蟲草花雞一併蒸,雞肉夠晒入味且幼滑,烏冬被雞的精華完全滲透了,入口鮮味又滑嘟嘟。其實食雞時己飽飽了,但最後的瑤柱粥,融入了多款海鮮的精華,打開攪拌時己聞到香噴噴,真忍唔住要食埋佢,真係超香又鮮甜,入面仲有排骨同瑤柱,口感豐富☺️。餐廳食物質素高,店員又親和,見佢哋都好忙,但都勤快爽手,確係值得比個like丫👍。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-05
191 瀏覽
🔸 海鮮蒸鍋   $318👍貝殼類:有三四種唔同肉地外型嘅蜆,有大有細,所有嘅蜆肉都十分鮮甜,蜆肉好新鮮,整得好乾淨完全無沙,肉質鮮嫩汁水豐富入口彈牙。👍元貝、海蝦:海蝦相當大隻,肥美鮮活;元具配上粉絲香蒜,食起嚟更令人津津有味。👍鮮鮑魚、馬友魚塊:鮑魚幾大隻,啖啖鮮鮑肉甘甜滋味;之前都估唔到蒸鍋有整塊去骨魚肉跟鮑魚一齊蒸,魚肉清蒸出鍋即食,口感肉質細膩,超鮮美。👍大肉蟹:蒸出嚟嘅佳餚最正莫過於簡單蒸蟹,餐廳提供嘅係時令大肉蟹,蟹蓋放落鍋底𤉶粥,蟹鉗拆出來都有兩隻母指大,超多濃郁蟹味嘅蟹肉,連蟹腳嘅關節都可以拆出蟹肉,正😚👍刺身拼盤:有大大片厚切三文魚、北極貝、鯛魚、帶子同金槍魚。魚生做得好精緻,不但擺盤靚,魚肉入口即化,又鮮嫩好味,雖然刺身份量唔算多,但估唔到蒸鍋餐廳都可以做出上成嘅日本刺身,抵贊!👍蟲草花蒸雞件(烏冬底)仲有多款時蔬(粟米、南瓜片、蝦乾鑲節瓜同芋頭),呢嗰係比較健康嘅農家蒸菜,多款粗糧跟雞件一齊蒸,需要蒸完9分鐘再番蒸,使到雞件完全蒸熟,瓜菜就帶有香濃雞味,雞油被蒸出來流到烏冬上,令烏冬滲滿雞油香味,好滑好味。👍送小食一款,我哋食咗好惹味嘅 避風塘鮮魷,相當大碟,食得出炸魷魚仍然好新鮮,其他小食仲有豬手、椒鹽白飯魚、燒魚干、天婦羅蕃薯仔同脆皮豆腐。👍甜品:草果糕,係似黑加侖子味,用紅豆茸做饀,好好食。👍最後唔好漏咗仲有大大鍋海鮮粥喺底,係咸豬骨粥,有五六枚帶有幾多肉嘅豬骨同十幾粒乾元貝仔,加上蒸鍋一直滾熱呢鍋粥成2句鐘,所以粥身好綿好糯,味道鮮甜,餐廳會為客人提供打包餐盒,可以帶回家明日做早餐。▪️整體味道:8/10性價比:9/10 繼續閱讀
(以上食評乃用戶個人意見 , 並不代表OpenRice之觀點。)
#chuchu食在太子📍 小漁港海鮮舫 鮮蒸‧鮮味火鍋 以為食過一次啲海鮮真係好新鮮,嗰日想食粥底火鍋專登撘的士過嚟,好彩先有最後一張檯!記住book位,次次嚟都好full!💡 星期一至四食免加一!免茶芥!免小食費!—————————————————————❣️是日廚師智選套餐 $318.🍣刺身拼盤 有三文魚、北寄貝、希靈魚、帶子、油甘魚、仲有超少見嘅琵琶蝦!超厚切,樣樣都好好食,好新鮮!.🦀八款時令海鮮套餐有鮑魚、海蝦、馬友、扇貝、花甲、蜆、蟶子、肉蟹!先食鮑魚、海蝦、馬友、扇貝,超鐘意佢處理好曬個鮑魚,🐷淨係負責食,好大隻好彈牙,蝦都好新鮮,馬友好滑好好味,蒜蓉蒸扇貝好大隻好甜!再食左花甲、蜆、蟶子,無沙好食!個蟹真係好正,超多膏肉又多又厚又甜,超新鮮!.🥒農家四寶最尾有蒜蓉蒸勝瓜,粟米,芋頭,南瓜,蕃薯仔,蟲草雞烏冬!烏冬吸曬蟲草雞既精華,雞肉嫩滑岩岩好!.🥣瑤柱豬骨粥底最後個粥先係精華!啱啱蒸海鮮嘅精華流晒落去,姐姐一早放埋個蟹蓋落去煲粥!✨🐷私心tips 記住要加芫荽蔥,再留啱啱蒸嘅粟米芋頭南瓜,仲正!!! .🍮甜品黑糖豆沙mochi,煙煙韌韌!.💬 姐姐就會幫我地放上去較時間蒸,完全唔洗自己郁!—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 小漁港海鮮舫 鮮蒸‧鮮味火鍋 (太子)太子荔枝角道127-133號地舖🕑營業時間: 17:00-00:00—————————————————————#chuchu食港式 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-25
245 瀏覽
提起蒸海鮮,必定會想起位於太子這間餐廳。多年來都保持質素,今次突然之間想吃蒸海鮮,再次到訪。避風塘鮮魷 $68鮮魷爽口厚肉地,而炸粉則夠薄身,炸到外脆內嫩,加上惹味的椒鹽,十分香口。是日廚師發辦套餐$318刺身拼盤款式有五款:有北寄貝、油甘魚、三文魚及象拔蚌。值得一提是象拔蚌口感爽脆,油甘魚魚油甘香,三文魚亦很肥美。但要提一提,Wasabi有點辣😮不要太衝動點得太多😂8 款時令海鮮包括龍蝦、鮮蠔、扇貝、鮑魚、鮮蝦、馬刀貝、沙蜆、帶子及馬友。款款都很新鮮生猛,完全不用點配味醬都已經充滿鮮味🉐 當中龍蝦爽口彈牙,很有鮮味👍🏾而扇貝配上粉絲更加一流,粉絲完全將鮮味的精華及醬油融合為一😍加上每款海鮮蒸煮的時間都不同,店員很細心地為食客將海鮮按時間蒸煮。保證每款海鮮都能夠品嘗到最佳口感及味道✨蟲草花蒸雞烏冬及農家四寶最期待的畫面終於出現!蟲草花蒸雞烏冬是我最喜愛的一道菜❤️雞肉十分嫩滑,配上條條都吸收蟲草花及雞汁的烏冬,簡直是停不了口🤤瑤柱排骨粥底額外加$78除了蟲草花蒸雞烏冬,這個粥務必要點🤩粥底吸收了剛才所吃的所有海鮮精,再配上非常足料的瑤柱粒及鹹豬骨,及蟲草花蒸雞的精華,充滿鮮味🤩而且份量都不少,大家都要用飯盒打包,滿載而歸地畫上完美的一噸飯🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-17
487 瀏覽
爸爸知道我鐘意食海鮮🦀🦐🐟,特登訂左枱去“小漁港”,媽媽超級期待😍。店舖裝修同個名一樣,牆身及擺設都放有帆船⚓既佈置,坐位夠闊落。我哋揀左“是日廚師智選套餐“$318/位,套餐有一款主食,四款時蔬🌽,八款時令海鮮及刺身拼盤,最重要星期一至四套餐埋單❎免加一,❎免茶芥,❎免小食,真係好抵食👍。天婦羅蕃薯仔:熱辣辣即炸,外脆內軟仲要勁甜😋。刺身拼盤:全部都好新鮮肥美,食完爸爸話己經好飽,同我講要我加油海鮮,結果仲食得多過我。八款時令海鮮:套餐有貝殼三寶(花甲,黃蜆,東風螺),肉蟹,鮑魚,海蝦,馬友,扇貝,但姐姐話因為我哋隻肉蟹細隻,所以今次仲有瀨尿蝦。我哋食完刺身,姐姐就會幫我地放上去較時間蒸,夠鐘又會過黎幫我地開蓋,又會攪下個粥底,服務一流😘。每樣海鮮蒸既時間都吾一樣,貝殼三寶好乾淨👌無沙,扇貝鋪上滿滿嘅粉絲夠大隻又彈牙,肉蟹🦀都吾細隻啖啖肉,魚肉🐟蒸到岩岩好夠滑,瀨尿蝦做完運動好容易脫殼,真係食得好滿足。四款時蔬:最尾蒸既有勝瓜,粟米🌽,芋頭,南瓜,蕃薯仔🍠,蟲草雞🐓及烏冬。烏冬吸曬蟲草雞既精華,雞肉嫩滑岩岩好。一開始就放左蟹蓋同排骨一齊煲,粥底吸晒海鮮既精華,原來仲加埋瑤柱粒一齊煲,連平時吾食粥既我都食左兩大碗,大人小朋友都食得好開心。最尾既甜品入面係豆沙餡料,吾會好甜。📍小漁港海鮮舫 鮮蒸‧鮮味火鍋📌太子荔枝角道127-133號地舖#小漁港 #海鮮餐 #甜番薯 #刺身拼盤 #火鍋 #粥底 #ilovefood #hkfoods #hkfoodblogger #yummy #foodie #香港美食 #美食推介 #美食日記 #太子美食 #太子好去處 #hkkol #blogger #hkfoodie #親子 #全職媽媽 #育兒日記 #育兒 #育兒日常 #寶寶日記 #成長記錄 #凍檸茶 繼續閱讀
(以上食評乃用戶個人意見 , 並不代表OpenRice之觀點。)