JUST'er Bar & Restaurant

營業中

休息中

星期日同朋友相約到山林道嘅「JUST'er Bar & Restaurant」食晚飯，呢間餐廳一路都好想食，遠處已經睇到餐廳內「全院滿座」的霓虹燈，即使當日落雨仍然全場坐滿，加上座位唔多，如果無訂枱應該未必食得到。Menu有新奇有趣的玩味菜名，包你有驚喜!醬油風白汁三文魚扁意 $112意粉醬汁味道獨特，醬油同白汁非常夾，又唔會好似一般忌廉汁咁膩。扁意粉好彈牙，每條都掛滿汁，仲有超多鮮甜三文魚，正! 焗多汁豬仔骨配啤酒薯條 $138份量十足，非常香嘅炭烤味道，豬仔骨燒得啱啱好，外皮焗得有焦脆感，肉厚軟腍，啖啖肉，BBQ醬好濃郁，豬仔骨夠晒入味薯條好特別，比出面其他薯條多咗種酥脆感，炸得脆之餘，又唔會乾身，仲有調味，勁快就清晒。厚玉子燒 $58日式風味的玉子燒，非常厚切，食落味道甜甜的，口感軟綿綿，配埋木魚同醬油，非常惹味。牛油果奶昔 $47好濃郁嘅牛油果奶昔，超香牛油果味，非常清新，非常好飲。