我愛慢煮 (孖沙街) (已結業)

朋友帶我來食呢間主打慢煮烹調方法嘅餐廳晚飯，發現呢度菜式價錢不太貴，菜式頗有水準，味道幾好，必定會再試！每人送一瓶酒精搓手液，好有心！不論小食定主菜，都有一定水準牛油卡真蝦仁串總共有六隻彈牙爽滑嘅蝦仁，蝦仁咬落有淡淡牛油香，但不會蓋過蝦嘅鮮味。一啖一隻蝦仁，作為前菜唔錯。安格斯頂級平鐵扒一上菜已經聞到香噴噴嘅牛肉香，牛扒煎煮時間剛好， 外表微脆，牛肉質嫩，略可惜無足夠肉汁，但呢個價錢來說已經唔錯。芝士溫泉蛋大菇切開溫泉蛋，流心蛋漿慢慢流開去燒香微溶嘅芝士，兩者互相融合，配以蘑菇嘅爽韌，口感同味道都好正！法式油封鴨脾切開香脆嘅外皮，裡面係一絲絲軟嫩嘅鴨肉，煎香嘅外皮配以帶有略略鹹味鴨肉，食起來恰到好處。慢煮白酒菠蘿配意大利雪糕很有驚喜嘅一道甜品，白酒嘅微苦、香甜微熱嘅焦糖菠蘿，配以冰凍軟滑嘅雪糕，多重口感、味道豐富，極力推薦！