雲香園小鍋米線

營業中

休息中

小窩米線（少少辣）配餸：雲吞+豬紅+魚腐+蘿蔔成碗米線份量都好大碗證明好足料👍🏻，一個女仔食有機會食唔晒🤣，而碗米線最精粹嘅就個湯底，湯底煮得唔好碗米線就白費咗，餐廳嘅湯底好夠酸，辣味有好多種唔同嘅辣度可以調節，由唔辣去到勁辣。菜肉雲吞都幾大粒大約有3粒，雲吞吸晒啲湯底精華好入味，豬紅好出色食落無腥味，一咬落去爆曬啲汁出嚟好正😋，蘿蔔好大嚿咬落好淋，唔會食落有渣，魚腐口感彈牙。秘製豬頸肉豬頸肉外面好香脆，肉質啱啱好唔會燒到太乾太硬，食到椒鹽味好惹味😋，再配旁邊嘅泰式辣醬味道好夾，忍唔住再食多幾嚿🤭。