天澗壽喜屋

營業中

休息中

呢度嘅壽喜燒抵食又高質，坐得舒服，服務又好！首先鹿兒島A4黑毛和牛肉眼套餐$238，A4級嘅鹿兒島黑毛和牛，油花分佈均勻，肉質細嫩。牛肉眼嘅油脂比較豐富，食落入口即溶，非常滿足。配埋蔬菜盛盒，而且烏冬吸收晒壽喜燒嘅湯汁，真係一流！而鹿兒島A4黑毛和牛肩胛配北海道豚五花套餐$148，呢個套餐可以同時食到和牛同埋豚五花。和牛肩胛肉味濃郁。北海道豚五花嘅油脂豐富，充滿油香。配埋蔬菜盛盒同埋日本米飯，真係好滿足！另外散叫咗壽司刺身：火炙左口魚邊壽司油脂豐富，經過火炙後，魚油嘅香味更加突出。帶子壽司鮮甜。三文魚刺身，口感肥美。整體嚟講，呢餐真係好吸引！兩個壽喜燒套餐嘅牛都高質，大飽口福！