隱町 (花園街) (已搬遷) 新店位置

今晚同朋友黎太子食下串燒，呢間隱藏係後巷嘅居酒屋，店鋪細細，一個長吧台仲有幾張二人枱。全場爆滿，好有氣氛。事不宜遲就講下今晚食咗啲咩。首先有前菜。豆腐沙律，胡麻醬好足，令成個沙律超級正，沙律菜爽脆，配上嫩滑豆腐，超開胃！之後就係串燒時間。雞肝、雞髀肉、雞胸脆骨其中雞髀肉最正，真係好嫩，又大大粒，雞油旺盛。雞胸脆骨，就係雞軟骨嘅雞胸版，好有咬口。螢光魷魚、味噌汁五花腩、和牛牛小排魷魚仔細細條好得意，每咬一啖都有汁嘅感覺。五花腩同和牛都好出色！都係感覺好夠水份而且肉味超出！牛油燒粟米粟米好甜，用牛油燒令甜到更上一層樓。芝麻雞翼呢個外面炸得好脆，好惹味～因為我哋有下場，所以都冇叫好多食物，下次有機會嚟再食多啲先。