影片
更多
2021-01-17
1284 瀏覽
今日同朋友去食呢間西餐，個景係靚既，同另一半來食晚餐應該好正。坐低後個男經理好友善咁介紹今日既午餐，可以選擇既款式都幾多下，反而攪到有選擇困難症既我心大心細🤣。好不容易同朋友揀左份肉眼同羊鞍，男經理話set lunch可以加添海鮮冷盤，用料新鮮同醬汁係自家調製既，好夾好好食咁話喎。我地見個海鮮冷盤價錢幾抵咪加左個試下囉，鬼叫佢講到咁正咩。坐定定睇住靚景傾住計等開餐，都係幾愜意既事。一開始先上個火腿蛋沙律。火腿片唔會太乾，咸咸香香咁幾惹味，加上碎蛋同沙律菜，配埋輕度酸酸甜甜既沙律醋，真係幾開胃吓。再來就係個海鮮冷盤，賣相幾精緻，有生蠔有鮑魚又有帶子，抵食！侍應介紹話三款醬汁都係自家調製既，青檸味可以提鮮點咩都得，冬陰功味有特色最好用來點鮑魚，麵豉味點帶子就日式啲。我自己就最鐘意青檸汁，朋友反而話個麵豉味同個帶子最夾，真係唔同人唔同口味😌。之後再來椰菜花蟹肉湯同蒜蓉飽。本身個湯唔會太濃稠，因太濃我驚會飽得滯冇胃口食主菜，所以宜家呢個蟹湯就啱啱好，可以夠味用來沾飽食，蟹肉又夠多，正😋。講左咁耐，終於要上主菜喇。我點左份肉眼，朋友呢佢就點左羊鞍。本身我覺得西餐個賣相其實係好重要，正所謂色香味以
坐低後個男經理好友善咁介紹今日既午餐，可以選擇既款式都幾多下，反而攪到有選擇困難症既我心大心細🤣。
好不容易同朋友揀左份肉眼同羊鞍，男經理話set lunch可以加添海鮮冷盤，用料新鮮同醬汁係自家調製既，好夾好好食咁話喎。我地見個海鮮冷盤價錢幾抵咪加左個試下囉，鬼叫佢講到咁正咩。坐定定睇住靚景傾住計等開餐，都係幾愜意既事。
一開始先上個火腿蛋沙律。火腿片唔會太乾，咸咸香香咁幾惹味，加上碎蛋同沙律菜，配埋輕度酸酸甜甜既沙律醋，真係幾開胃吓。
再來就係個海鮮冷盤，賣相幾精緻，有生蠔有鮑魚又有帶子，抵食！侍應介紹話三款醬汁都係自家調製既，青檸味可以提鮮點咩都得，冬陰功味有特色最好用來點鮑魚，麵豉味點帶子就日式啲。我自己就最鐘意青檸汁，朋友反而話個麵豉味同個帶子最夾，真係唔同人唔同口味😌。
之後再來椰菜花蟹肉湯同蒜蓉飽。本身個湯唔會太濃稠，因太濃我驚會飽得滯冇胃口食主菜，所以宜家呢個蟹湯就啱啱好，可以夠味用來沾飽食，蟹肉又夠多，正😋。
講左咁耐，終於要上主菜喇。我點左份肉眼，朋友呢佢就點左羊鞍。本身我覺得西餐個賣相其實係好重要，正所謂色香味以色行先，所以一定要夠精緻吸引，呢間西餐就啱晒我心水喇。廚師用紫薯蓉烤番茄露荀搭粟米做配菜，紅黃紫綠四色配搭夠哂吸睛又夠哂健康，睇得出係用心之作。我份肉眼應該係慢煮過再煎香既，因為真係夠哂juicy，入口即化，成個嘴都係滿滿既油香肉香，好食好食😋。
朋友個份羊鞍我就冇試，因為我怕羊騷味。但係佢話份羊鞍一啲都唔騷，因為唔靚唔新鮮唔識煮啲羊先會重騷味，靚既羊肉加上識得烹調先至可以令到份羊變成騷香喎。
食飽飽，上埋個靚仔甜品同餐茶就滿足哂。最後坐左陣埋單走人，出面好似有人等緊位，下次再來如果係假日晚上真係要訂定枱穩陣啲費事等。
張貼
