極尚大瀛喜日本料理

營業中

休息中

放題有樣野好 就係食物種類多 咩野食都可以食啲 滿足晒我想食多元化食物野心嘅慾望🤣 而且價錢吾算貴 食物質素又幾好 幾高性價比👍🏽 另外仲有少少自助熟食區 飲品區 雪糕機 仲有自助糖果區 種類真係超級多😳🍀壽司壽司種類好多 咁我就點左鵝肝壽司 鵝肝味道更濃厚 有一定油脂😛 北海道帆立貝壽司夠鮮甜 黑松露赤蝦壽司鹹味同甜味中和返 幾好食😋 響螺片壽司同樣鮮甜 燒鹽醬和牛肩胛壽司有嚼勁 和牛味香濃🐮 醬燒蟹棒壽司正正常常 蒜香牛油熟帶子壽司都同樣吾錯🍣🍀燒物 炸物 鍋物鹽燒牛舌夠彈牙好有咬口👅 燒有機新鮮波蘿好甜☺️ 燒紐西蘭香草羊鞍味道濃郁 有嚼勁👍🏽 金銀蒜蓉醬蒸扇貝一口大細 過下口癮幾好🤣 芝麻雞翼熱辣辣上枱 香氣十足又脆口🤤 北海道牛乳鮮奶卷好軟滑😉 鮮奶金饅頭一口大細 好好食😋 紅燒乳鴿皇 估吾到放題愈黎愈多特別食物叫🫣 鐵板蒜香蜜汁牛柳粒夠軟嫩 有肉汁🤩 壽喜燒牛肉鍋都吾錯 牛肉味幾香濃😜