露面手工拌麵料理

營業中

休息中

喺灣仔發現一間平民價台式食店，哩度既手工拌麵同其他食物價錢合理抵食，會再回頭光顧。台式滷肉拌麵 $52哩份係唔辣既，香炒過既魯肉同香菇都好入味，手工製蛋麵健康非油炸，開胃。油潑辣子魯肉biang biang 麵 $55哩款係店員推介，話第一次黎試下哩度既特色菜，選了少辣。粗麵有彈及咬口，辣油麻香，中意食辣口味既岩晒。高湯小雲吞(10粒) $40湯同雲吞分開上，細心。小雲吞皮薄一啖一粒，肉料都鮮味。秘製香槽醉雞 $58哩個醉雞好香酒味，落了秘製香槽酒味突出，唯骨較多，份量大一點更好。芥香麻醬雞絲粉皮 $42雞絲粉皮落左芥末帶點微辛，粉皮彈牙掛醬汁，開胃涼菜。