陳儀興牛什粉麵 (鴻祥大廈)

營業中

休息中

今日行旺角路經陳儀興牛什粉麵店，心諗陳儀興潮菜館食過幾次，原來又有做埋潮式粉面，於是就入去試一試。一入門就見場內有好多香港特色壁畫幾特別，整體店內裝潢都幾企理舒適。點了兩碗招牌菜：淨食八寶丸同牛三寶麵。首先係八寶丸，有自家製章魚丸、墨丸、魚蛋、鮮蝦雲吞、魚皮餃、蝦肉丸等等，魚蛋同墨丸都好彈牙，8樣都好味。唔太餓的話，叫淨食啱啱好，如果想飽啲，就要跟麵。跟著係牛三寶麵，仲可以加$20轉餐有油菜+飲品/紫菜湯, 今次揀左蠔油芥蘭同紫菜湯，牛肚同牛腩都煮得非常軟嫩，入口即化，而牛根的口感則較為Q彈，麵條也很有彈性，口感唔錯。仲試埋佢地嘅蛋卷，好鬆化，蛋味好香。埋單先留意到有時段優惠，星期日至四 宵夜時段夜晚9點後 全單九折!!食後包膠，陳儀興品牌始終後潮菜專家，完全冇伏，值得一試。