長阪燒 (已結業)

呢間鋪頭喺公司附近，都食過一兩次lunch，今次要OT諗住dinner過黎快手解決。6點左右，呢度人唔算多，店長好好會介紹唔同食物。有一個燒田雞係佢推介嘅，呢個真係喺外面未食過，幾有趣。田雞燒得幾乾身，好似燒雞肉嘅味道，但佢原隻上，味道真係唔錯。另外有一個海膽海鮮杯，鮮味十足，夠晒好食。再叫左幾款壽司，包括藍莓醬鵝肝帶子壽司、火炙海膽油甘腩執司、火炙海膽平目魚邊壽司。最有驚喜係藍莓醬鵝肝帶子壽司，酸酸甜甜，解左鵝肝油膩嘅感覺。雖然係快食dinner，但係睇呢度嘅環境，絕對適合幾個friend一齊食一餐飲番杯。